«تاليبان» قوزعالىسى اۋعانستاننىڭ ءبىلىم بەرۋ جۇيەسىنە جاڭا ەرەجەلەر ەنگىزەدى, ولار جىنىستىق بەلگىسى بويىنشا ءبولۋدى جانە درەسس-كودتى ەنگىزۋدى قامتيدى, دەپ حابارلايدى Egemen.kz ۆۆس اگەنتتىگىنە سىلتەمە جاساپ.
12 قىركۇيەك, جەكسەنبى كۇنى «تاليبان» قوزعالىسىنىڭ باسشىلىعى اۋعانستاننىڭ ءبىلىم بەرۋ جۇيەسىندەگى جاڭا ەرەجەلەردى جاريالادى.
جاڭادان قۇرىلعان ۇكىمەتتىڭ جوعارى ءبىلىم ءمينيسترى ابدۋل باكي حاككاني ايەلدەرگە ەر ادامداردان بولەك وقۋعا رۇقسات ەتىلەتىنىن ايتتى.
«بىزدە ارالاس ءبىلىم بەرۋ جۇيەسىن جويۋ پروبلەماسى جوق», دەدى ول.
حاككانيدىڭ مالىمدەمەسى سول كۇنى كابۋلدا وتكەن دەمونستراتسيادان كەيىن ايتىلدى, ونىڭ بارىسىندا ءۇش جۇزگە جۋىق اۋعان ايەلدەرى «تاليباننىڭ» گەندەرلىك ساياساتىنا قولداۋ ءبىلدىرۋ ءۇشىن كابۋل ۋنيۆەرسيتەتىنىڭ امفيتەاترىنا جينالدى. ءسوز سويلەۋ سوڭىندا اكتسيا قاتىسۋشىلارى كوشەلەردە ءجۇرىپ ءوتىپ, ء«بىز مۋجاحيدتەردىڭ (تاليباننىڭ) كوزقاراسى مەن مىنەز-قۇلقىنا قاناعاتتانامىز» دەپ جازىلعان پلاكاتتاردى تاراتتى.
ۋنيۆەرسيتەت تريبۋناسىندا ءبىر-ءبىرىن الماستىرعان سپيكەرلەر سوڭعى كۇندەرى ءوز قۇقىقتارىن قورعاۋ ءۇشىن كوشەگە شىققان اۋعان ايەلدەرىن سىنعا الدى. ادىلەت مينيسترلىگى رۇقسات بەرمەگەن دەمونستراتسيالارعا تىيىم سالۋ ولاردىڭ الدىن-الا رۇقسات العانىن باسا كورسەتىپ, ءتيىستى شارا دەپ سانادى.
سونىمەن قاتار جاڭا ەرەجەلەر ايەلدەرگە جوعارى ءبىلىم الۋعا مۇمكىندىك بەرمەيدى دەگەن پىكىرلەر ايتىلىپ وتىر, ويتكەنى اۋعانستاننىڭ جوعارى وقۋ ورىندارىندا ايەلدەر مەن ەرلەرگە ارنالعان جەكەلەگەن سىنىپتاردى ۇيىمداستىرۋ ءۇشىن رەسۋرستار جوق. بۇعان حاككاني ايەل مۇعالىمدەر جەتكىلىكتى دەپ جاۋاپ بەردى جانە ولار جوق جەردە بالاما نۇسقالار تابىلادى.
«مۇنىڭ ءبارى ۋنيۆەرسيتەتتىڭ مۇمكىندىكتەرىنە بايلانىستى», دەدى ول.
بۇگىندە ەل مەكتەپتەرىنىڭ باستاۋىش جانە ورتا سىنىپتارىندا قىزدار مەن ۇلدار بولەك وقيدى. جاڭادان تاعايىندالعان مينيستر ۋنيۆەرسيتەتتەردە وقىتىلاتىن پاندەر قايتا قارالادى دەپ ۋادە بەردى.