بۇگىن اقپارات جانە قوعامدىق دامۋ ءمينيسترى ايدا بالاەۆا قازاقستان مەن ورتالىق ازيا ەلدەرىنە ساپارى اياسىندا ەقىۇ-نىڭ باق بوستاندىعى ماسەلەلەرى جونىندەگى وكىلى تەرەزا ريبەيرومەن كەزدەستى, دەپ حابارلايدى Egemen.kz قر اقدم ءباسپاسوز قىزمەتىنە سىلتەمە جاساپ.
ايدا بالاەۆا ازاماتتاردىڭ اقپاراتتى ەركىن الۋ جانە تاراتۋداعى كونستيتۋتسيالىق قۇقىقتارىن ساقتاۋدى قامتاماسىز ەتۋ بويىنشا ەل ىشىندە قابىلدانىپ جاتقان دايەكتى قادامدار تۋرالى, سونداي-اق پاندەميا جاعدايىندا باق-تى قولداۋ جانە كىرىستەردى قىسقارتۋ جونىندەگى شارالار تۋرالى باياندادى.
مينيستر باق وكىلدەرىنىڭ كاسىبي قىزمەتىن جۇزەگە اسىرۋ كەزىندە ولاردىڭ قۇقىقتارى مەن بوستاندىقتارىن قامتاماسىز ەتۋدىڭ ماڭىزدىلىعىن ەرەكشە اتاپ ءوتتى. ەكىجاقتى ءوزارا ءىس-قيمىلدىڭ ماڭىزدىلىعىن ەسكەرە وتىرىپ, ا.بالاەۆا ت.ريبەيرودى مينيسترلىكتىڭ باق-تى دامىتۋ سالاسىنداعى ءتۇرلى جوبالارى اياسىندا ءوزارا جەمىستى جۇمىسقا شاقىردى.
كەزدەسۋ قورىتىندىسى بويىنشا قوس تاراپ باق-تى دامىتۋ سالاسىنىڭ بارلىق نەگىزگى ماسەلەلەرى بويىنشا بايلانىستى دامىتۋعا كەلىستى.