باتىس قازاقستان وبلىسىندا جاڭا وقۋ جىلى باستالعاننان بەرى 130 وقۋشىدان كوروناۆيرۋس انىقتالدى, دەپ حابارلايدى Egemen.kz بقو سانيتارلىق-ەپيدەميولوگيالىق باقىلاۋ دەپارتامەنتىنىڭ رەسمي سايتىنا سىلتەمە جاساپ.
بقو سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى نۇرلىبەك مۇستاەۆتىڭ وڭىرلىك كوممۋنيكاتسيالار قىزمەتى الاڭىندا وتكەن بريفينكتە ءمالىم ەتكەنىندەي, سونىڭ ىشىندە 64-ءى ورال قالاسىندا, قالعان 66-سى وبلىس اۋداندارىنداعى مەكتەپتەردە ءبىلىم الادى.
«كۇنى بۇگىن قالا مەن اۋدانداردىڭ باس مەملەكەتتىك سانيتار دارىگەرلەرىنىڭ قاۋلىسىمەن 26 مەكتەپتە 38 سىنىپ, ورتا ءبىلىم بەرۋ ۇيىمدارىندا 3 جانە جوو-دا 1 توپ كارانتينگە جابىلدى», دەدى ول.