شەرۋگە قاتىسۋشىلار ايەلدەرگە ەل باسقارۋعا قاتىسۋ مۇمكىندىگىن بەرۋدى تالاپ ەتۋدە, دەپ جازادى Egemen.kz.
بۇل تۋرالى ريا نوۆوستيگە شەرۋگە قاتىسۋشىلاردىڭ ءبىرى حابارلادى.
ونىڭ ايتۋىنشا, نارازى توپ گور پروۆينتسياسىندا جۇكتىلىكتىڭ سەگىزىنشى ايىندا ولتىرىلگەن تۇرمە قىزمەتكەرى نەگار ءماسۋميدىڭ پورترەتى بار پلاكاتتاردى كوتەرگەن. تاليبان وكىلى ءماسۋميدىڭ ولىمىنە سودىرلاردىڭ قاتىسى جوق ەكەنىن ايتقان.
سونىمەن قاتار شەرۋگە قاتىسۋشىلار ايەلدەرگە ەل باسقارۋعا قاتىسۋ مۇمكىندىگىن بەرۋدى تالاپ ەتىپ وتىر. ۋاقىتشا ۇكىمەتتىڭ قۇرامىن ءبىر كۇن بۇرىن جاريالاعان تالىبتەر بولسا, مۇنداي مۇمكىندىكتى جوققا شىعاردى.
«مينيسترلەر كابينەتى ايەلدەردىڭ قاتىسۋىنسىز تولىق بولمايدى. ەشقانداي ۇكىمەت ايەلدەردى شەتتەتە المايدى. ايەلدەردىڭ قۇقىعىن نازاردان تىس قالدىرۋعا بولمايدى», دەيدى ولار.
اگەنتتىكتىڭ جازۋىنشا, تاليبان كابۋلدىڭ باتىسىنداعى داشتە-بارچي ايماعىنان باستالعان شەرۋگە كەدەرگى جاساۋعا تىرىسىپ جاتىر. نارازىلىق بىلدىرۋشىلەرگە كۇش قولدانۋ تۋرالى ازىرگە ەشقانداي مالىمەت جوق.