امستەردامنان كۋالا-لۋمپۋرعا MH17 رەيسىمەن ۇشقان Malaysia Airlines اۆياكومپانياسىنىڭ Boeing 777 اپاتى تۋرالى شەشىم 2022 جىلدىڭ سوڭىنا دەيىن شىعارىلادى, دەپ حابارلايدى Egemen.kz MENAFN-گە سىلتەمە جاساپ.
بۇل تۋرالى توراعالىق ەتۋشى سۋديا حەندريك ستوەنحۋيس مالىمدەدى. ۇكىمنىڭ بولجامدى كۇندەرىنىڭ ىشىندە ول 2021 جىلدىڭ 22 قىركۇيەگى مەن 22 جەلتوقسانىن اتاپ ءوتتى.
سوتتا MH17 اپاتىنان قايتىس بولعانداردىڭ 90-نان استام وتباسى مۇشەلەرى - نيدەرلاندى, اۆستراليا, مالايزيا, يندونەزيا جانە كانادا ازاماتتارى ءسوز سويلەيدى. الدىن الا كەستەگە سايكەس سوت تىڭداۋلارى وسى جىلدىڭ 7, 10, 13, 14, 16, 21, 23 جانە 24 قىركۇيەگىندە وتەدى.
اتالعان ءىس بويىنشا ءتورت ايىپتالۋشى - ءوزىن-ءوزى جاريالاعان دحر (دونەتسك حالىق رەسپۋبليكاسى) بۇرىنعى قورعانىس ءمينيسترى يگور گيركين (سترەلكوۆ), گەنەرال-مايور سەرگەي دۋبينسكي (حمۋرىي), پولكوۆنيك ولەگ پۋلاتوۆ (گيۋرزا), سونداي-اق ۋكراينا ازاماتى لەونيد حارچەنكو (كروت). ولار رەسەيدەن ۋكرايناعا Boeing 777 اتىلعان زەنيتتىك-زىمىران قوندىرعىسىن جەتكىزدى دەپ كۇدىكتەنەدى.
ەسكە سالا كەتسەك, 2014 جىلدىڭ 17 شىلدەسىندە امستەردامنان كۋالا-لۋمپۋرعا اتتانعان Malaysian Airlines رەيسى اپاتقا ۇشىرادى. ول دونەتسك وبلىسىندا, رەسەي-ۋكراينا شەكاراسىنان شامامەن 50 شاقىرىم جەردە قۇلادى.
اۋە كەمەسىندە بولعان 300 ادامنىڭ بارلىعى قايتىس بولدى.