وتاندى تانۋ جوباسى

مازمۇندى ءىس-شارانىڭ  اشى­­لۋىندا  ۇلتتىق مۋزەي دي­­رەك­تورىنىڭ ورىنباسارى اباي ساتىبالدين اتالعان جو­با­نىڭ ماڭىزىنا توقتالا كە­لىپ: ء«اربىر قازاق بالاسى اتا-بابا تاريحىنا قۇرمەتپەن قا­راپ, ءوز ۇلتىنىڭ ادەپ-عۇرىپ, سالت-ءداستۇرىن, ادەبيەتى مەن ما­دە­نيەتىن جەتىك ءبىلۋى كەرەك. ۇلت­تىق قۇندىلىقتار ار­قى­لى تاربيە العان ۇرپاق – ەڭ­بە­ك­قور, ونەرلى, ءبىلىمدى, اقىل­دى, بولىپ وسەدى.  ءبىزدىڭ «مە­نىڭ قازاقستانىم» اتتى جوبا­نى اشۋداعى  ماقساتىمىز – وسكە­لەڭ ۇرپاقتىڭ تاربيەسى مەن دامۋىنا ەرەكشە كوڭىل ءبولۋ» دەدى ول.

جوباداعى ەكسپوزيتسيا قۇرى­لىمى 10 بولىمنەن تۇرادى, بار­لىق  ءبولىم ەلىمىزدىڭ تەرەڭ تاريحى مەن تابيعاتىن بالالارعا قولجەتىمدى قۇرالدارمەن تولىق تانىستىرادى. اقپارات ايماعى − قازاقستاننىڭ ينتەراكتيۆتى گەوگرافيالىق كارتاسىمەن, ۇلى جىبەك جولىنىڭ كار­تاسى­مەن جانە ەلەكتروندى دۇڭ­گىر­شەكپەن جابدىقتالعان. ەكس­پوزيتسيا «قازاقستان گەوگرافيا­سى», «قازاقستان تابيعاتى», «قازاقستاننىڭ ارحەولوگيا­لىق ەسكەرتكىشتەرى» جانە « ۇلى جى­بەك جولى», «قازاقستاننىڭ ما­دە­نيەتى مەن ەتنوگرافياسى» سە­كىلدى تاقىرىپتاردى قامتيدى.

ءىس-شارا بارىسىندا بالالار ويىن ارقىلى ەل تاريحى, مادەنيەتى, تابيعاتى تۋرا­لى مول ماعلۇمات الىپ, وز­دەرى ارحەولوگيالىق قازبا جۇمىس­تا­رىن جۇرگىزدى, كيىز ۇيدە بولىپ, حالقىمىزدىڭ سالت-داستۇرىنە قاتىستى بەينەماتەريالداردى تاماشالاپ, ۇلتتىق كيىممەن سۋرەتكە ءتۇستى.