«تاليبان» قوزعالىسىنىڭ سودىرلارى اۋعانستانداعى قارسىلىق مايدانىنىڭ جەتەكشىسى احماد ماسۋدتىڭ ىقتيمال بىتىمگە كەلۋ تۋرالى ۇسىنىسىن قابىلدامادى, دەپ حابارلايدى Egemen.kz.
بۇل تۋرالى Reuters اگەنتتىگى مالىمدەدى.
قوزعالىس وكىلدەرى ماسۋد ولاردىڭ بەيبىتشىلىك تۋرالى ۇسىنىسىنان باس تارتقاننان كەيىن, بۇدان بىلاي ولارمەن سويلەسەتىن ەشنارسە جوق ەكەنىن ايتتى.
ء«بىز اۋعانستاندى بىرىكتىرگىمىز كەلەدى, بىراق ولاردىڭ اۆتونومدى ۇسىنىستارىمەن ورتاق ەشنارسەمىز جوق. احماد ماسۋد ۇسىنىسىمىزدان باس تارتقاننان كەيىن, ەندى ولارمەن كەلىسىمگە كەلەتىن ەشتەڭە جوق دەپ شەشتىك», دەلىنگەن حابارلامادا.
وسىعان دەيىن احماد ماسۋد كەلىسسوزدەر ارقىلى سوعىس قيمىلدارىن توقتاتۋ تۋرالى ۇسىنىستى قۇپتايتىنىن ايتتى.
«ۇلتتىق قارسىلاسۋ مايدانى تۇراقتى بەيبىتشىلىككە قول جەتكىزۋ ءۇشىن, تالىپتەر پانجشەر مەن اندارابتاعى شابۋىلدارى مەن سوعىستارىن توقتاتسا, كۇرەستى توقتاتۋعا دايىن», دەلىنگەن ماسۋدتىڭ Facebook-تەگى جازباسىندا.
بۇعان دەيىن ماسۋدتىڭ جاقتاستارى پانجشەردە تالىپتەردىڭ جەڭىلگەنىن حابارلاعان بولاتىن.
قازىرگى ۋاقىتتا پانجشەر اۋعانستانداعى «تاليبان» قوزعالىسىنىڭ باقىلاۋىندا ەمەس جالعىز پروۆينتسيا بولىپ قالا بەرەدى. پروۆينتسيا كابۋلدىڭ سولتۇستىك-شىعىسىندا بيىك تاۋلى ايماقتا ورنالاسقان. قازىر تالەپتەرگە قارسى سولتۇستىك اليانستى باسقارعان جانە 2001 جىلعى قىركۇيەكتىڭ باسىندا لاڭكەستەر ولتىرگەن احماد شاح ماسۋدتىڭ ۇلى احماد ماسۋد باستاعان جەرگىلىكتى قارسىلاسۋ بولىمشەلەرىمەن شايقاستار ءجۇرىپ جاتىر.