نۇر-سۇلتان قالاسىنىڭ اكىمى التاي كولگىنوۆ Instagram پاراقشاسىندا بيىل «نۇرلى جەر» مەملەكەتتىك باعدارلاماسىنىڭ جەلىسى بويىنشا 25 كوپپاتەرلى تۇرعىن ءۇي كەشەنى جوندەلىپ, 34 ليفت اۋىستىرىلعانىن ءمالىم ەتتى, دەپ حابارلايدى Egemen.kz.
«ەلوردامىزدىڭ كۆارتالدارىنا كەشەندى رەنوۆاتسيا جۇرگىزۋدى جالعاستىرامىز. تۇرعىن ءۇي قورىن جاڭارتىپ, قالپىنا كەلتىرىپ جاتىرمىز. قالادا پروبلەمالىق تۇرعىن ءۇي كەشەندەرى بار ەكەنى قۇپيا ەمەس: قاسبەتتىك بولىگى بويىنشا دا, ۇيلەردىڭ شاتىرى بويىنشا دا جانە ت.ب. تەك «نۇرلى جەر» تۇرعىن ءۇي-كوممۋنالدىق دامۋ مەملەكەتتىك باعدارلاماسىنىڭ جەلىسى بويىنشا عانا بيىل 25 كوپپاتەرلى تۇرعىن ءۇي كەشەنىن جوندەيمىز, 34 ءليفتىنى اۋىستىرامىز.
فوتو: الەكساندر كۋپريەنكوبۇگىن قالانى ارالاۋ بارىسىندا بايقوڭىر اۋدانىنداعى (جۇبانوۆ كوشەسى) بىرقاتار تۇرعىن ءۇي كەشەنىنە جوندەۋ جۇرگىزۋ جۇمىستارىنىڭ بارىسىمەن تانىستىم. ۇيلەردە شاتىردى, قاسبەتتى, كىرەبەرىستەردى جوندەۋ, ينجەنەرلىك جەلىلەردى اۋىستىرۋ جانە جاڭارتۋ جۇمىستارى جۇرگىزىلۋدە. وسىلايشا, كۇردەلى جوندەۋ جۇرگىزۋ تۇرعىندار ءۇشىن ۇيلەردە جايلى تۇرۋعا مۇمكىندىك بەرىپ قانا قويماي, تۇرعىن ءۇي كەشەنىنىڭ كەلبەتىن جاقسارتادى.
وتكەن جىلى وزگە باعدارلامالارمەن بىرگە 50 كوپپاتەرلى قاۋىپتى تۇرعىن ءۇي كەشەنى جوندەلدى, ونىڭ ىشىندە حالىق اراسىندا تانىمال «وربيتا» اپاتتى تۇرعىن ءۇي كەشەنى دە بولدى. سونداي-اق, جەل كەزىندە ۇشاتىن پليتالارىمەن «تانىمال» «تەرريتوريا كومفورتا-2» بولدى.
فوتو: الەكساندر كۋپريەنكوباعدارلاما اۋقىمدى بولماق. كەلەسى جىلى «نۇرلى جەر» تۇرعىن ءۇي-كوممۋنالدىق دامۋ باعدارلاماسى بويىنشا عانا 25 كتك استام جوندەۋ جۇمىستارىن جۇرگىزىپ, 30-دان استام ءليفتىنى اۋىستىرۋدى جوسپارلاپ وتىرمىز. سونداي-اق, تۇرعىن ءۇيدى جوندەۋ بويىنشا بىرقاتار باسقا باعدارلامالار بار.
تۇرعىن ءۇي كەشەنىن جوندەۋمەن قاتار, اۋلالاردى اباتتاندىرۋ بويىنشا دا جۇمىستار جۇرگىزەمىز: جايلى اۋلا الاڭدارىن سالۋ, سونداي-اق كۆارتالىشىلىك جولداردى اسفالتتاۋ, جەلىلەر تارتۋ جانە ت.ب. ۇيىنەن شىققان سوڭ تۇرعىندار الدىمەن اۋلاعا اياق باسادى. مۇندا تازا اۋادا جايلى ۋاقىت وتكىزۋ ءۇشىن جاعداي جاساۋ وتە ماڭىزدى. ەكى جىل ىشىندە 400 اۋلا مەن قوعامدىق كەڭىستىك سالىنىپ, جوندەلدى. اۋلالاردى قۇرۋ پروتسەسىنە دە تۇرعىنداردى تارتامىز. اۋلانىڭ قانداي بولاتىنىن قالا تۇرعىندارى شەشەدى», دەپ جازدى ەلوردا اكىمى.