جول-كولىك وقيعاسى سالدارىنان زارداپ شەككەن قىز اۋرۋحاناعا جەتكىزىلدى, دەپ حابارلايدى Egemen.kz.
«بۇگىن 13:34-تە اباي-ۆولىنوۆ كوشەلەرىنىڭ قيىلىسىندا «Lada» اۆتوكولىگىنىڭ 31 جاستاعى جۇرگىزۋشىسى باعدارشام جانىندا 11 جاسار قىزدى قاعىپ كەتتى. باس سۇيەك پەن ءتۇرلى دەنە جاراقاتتارىن العان قىز دەرەۋ اۋرۋحاناعا جەتكىزىلدى», دەپ ءتۇسىندىردى پوليتسيادان.
ۆەدومستۆودا قىزدىڭ جولداعى باعدارشامنىڭ جاسىل تۇسىنە وتكەن-وتپەگەنى ءالى بەلگىسىز ەكەنى حابارلاندى.
«وقيعانى ءتۇسىرىپ العان كامەرانىڭ ۆيدەوسىندا باعدارشامنىڭ ءتۇسى كورىنبەيدى. قازىرگى كەزدە جول-كولىك وقيعاسىنىڭ ءمان-جايى انىقتالۋ ۇستىندە», دەدى پوليتسيا.