سوچيدە وتەتىن وليمپيادا ويىندارى كەزىندە اقش قارۋلى كۇشتەرىنىڭ ەكى اسكەري كورابلى قارا تەڭىز اۋماعىندا كۇزەتكە تۇرىپ, شۇعىل جاعدايلار ورىن الا قالسا, بىردەن ارالاسا كەتەتىن بولادى.
سوچيدە وتەتىن وليمپيادا ويىندارى كەزىندە اقش قارۋلى كۇشتەرىنىڭ ەكى اسكەري كورابلى قارا تەڭىز اۋماعىندا كۇزەتكە تۇرىپ, شۇعىل جاعدايلار ورىن الا قالسا, بىردەن ارالاسا كەتەتىن بولادى.
پەنتاگوننىڭ رەسمي وكىلى كونتر-ادميرال دجون كەربيدىڭ ايتۋىنشا, ءوز ەلىنىڭ قارا تەڭىز بويىن بويلاپ جۇزەتىن اسكەري كورابلدەرى مەن گەرمانيادا تۇرعان ۇشاقتارى قاجەتتىلىك تۋاتىن بولسا, سوچيدەگى امەريكالىقتاردى قاتەر قۇرساۋىنان الىپ شىعادى. CNN تەلەكومپانياسىنىڭ مالىمەتى بويىنشا, «ۇشاقتار سوچيگە ەكى ساعاتتىڭ ىشىندە جەتىپ كەلە الادى». بىراق مۇنداي وپەراتسيالار ءۇشىن «مىندەتتى تۇردە رەسەيلىكتەر تاراپىنان رۇقسات سۇرالادى».
دجون كەربيدىڭ سوزىنە قاراعاندا, قۇراما شتاتتار رەسەي ۇكىمەتىنە قىسقى وليمپيالىق ويىنداردى وتكىزۋگە دايىندىق كەزىندە ءوزىنىڭ جان-جاقتى قولداۋىنا سۇيەنۋدى ۇسىنعان بولاتىن. «ەگەر رەسەي ۇكىمەتىمەن كونسۋلتاتسيا جۇرگىزۋ بارىسىندا الدەقانداي توتەنشە تۋىنداعان جاعدايلارعا بايلانىستى جاردەم كەرەك ەتىلسە, ءبىز كۇشىمىز بەن قارا تەڭىزدە جۇرگەن ەكى كەمەمىزبەن بىرگە, باسقا دا اسكەري-اۋە جانە اسكەري-تەڭىز قۇرالدارىمىزدى ىسكە قوسۋعا دايىنبىز», دەدى ول.
بۇدان بۇرىن پەنتاگوننىڭ باسشىسى چاك حەيگەل ەگەر سوچي وليمپيالىق ويىندارىن وتكىزۋ كەزەڭىندە رەسەيلىكتەر جاعىنان قاۋىپسىزدىكتى قامتاماسىز ەتۋگە بايلانىستى ءوتىنىش بولىپ جاتسا, وعان قولۇشىن بەرۋگە ءازىر ەكەندەرىن مالىمدەگەن بولاتىن.
قاڭتاردىڭ 19-ى كۇنى رەسەيدىڭ پرەزيدەنتى ۆلاديمير پۋتين سوچيدەگى ويىندار قاۋىپسىزدىگىن ساقتاۋدىڭ وتە ماڭىزدى دا جاۋاپتى ماسەلە ەكەنىن ايتتى. ول وسىدان كەيىن قارا تەڭىز جاعاسىنداعى قالاعا كەلىپ, مۇنداعى جاعدايمەن تانىستى. ازىرگە قاۋىپ شاقىراتىنداي دابىلدى احۋال جوق.
دامير قوجامقۇل.