شقو-دا مادەنيەت باسقارماسىنا جاڭا باسشى تاعايىندالدى

نۇربولات قادىر ۇلى 1963 جىلى شار اۋدانى اقجال اۋىلىندا دۇنيەگە كەلگەن. ءبىلىمى جوعارى, «كونتسەرتتىك ورىنداۋشى», «وقىتۋشى» جانە «قۇقىقتانۋ باكالاۆرى» ماماندىقتارىن بىتىرگەن. 1990-1998 جىلدارى پاۆلودار وبلىستىق فيلارمونياسىندا كونتسەرتمەيستەر, وركەستر ديرەكتورى, وركەستر ءارتىسى, س. تورايعىروۆ اتىنداعى پاۆلودار پەداگوگيكالىق ينستيتۋتىندا پەداگوگيكا جانە مۋزىكالىق-ەستەتيكالىق تاربيە بەرۋ كافەدراسىنىڭ وقىتۋشىسى قىزمەتتەرىن اتقارعان. مەملەكەتتىك قىزمەتتەگى ءوتىلىن 1998 جىلى پاۆلودار وبلىستىق مادەنيەت باسقارماسى باسشىسىنىڭ ورىنباسارى رەتىندە باستاعان.

2002-2006 جىلدارى قازاقستان رەسپۋبليكاسى مادەنيەت مينيسترلىگىندە حالىق شىعارماشىلىعى جانە ايماقتىق ساياسات باسقارماسىنىڭ باسشىسى, قازاقستان رەسپۋبليكاسى پارلامەنتى ءماجىلىسى اپپاراتى زاڭ ءبولىمىنىڭ باس كونسۋلتانتى لاۋازىمدارىندا قىزمەت اتقارعان.

2006-2014 جىلدارى قر مادەنيەت جانە اقپارات مينيسترلىگىندە ونەر دەپارتامەنتى ديرەكتورىنىڭ ورىنباسارى, مادەنيەت جانە تىلدەردى دامىتۋ دەپارتامەنتى ديرەكتورىنىڭ ورىنباسارى, شىعىس قازاقستان وبلىستىق مادەنيەت, مۇراعات جانە قۇجاتتاما باسقارماسىنىڭ باسشىسى بولدى.

2015-2017 جىلدارى قازاقستان رەسپۋبليكاسى پرەمەر-ءمينيسترى ورىنباسارىنىڭ كەڭەسشىسى, قازاقستان رەسپۋبليكاسى مادەنيەت جانە سپورت مينيسترلىگى مادەنيەت جانە ونەر جۇمىستارى جونىندەگى دەپارتامەنتى ديرەكتورىنىڭ ورىنباسارى لاۋازىمدارىندا ەڭبەك ەتتى.

2017-2020 جىلدارى «ازىرەت سۇلتان» مەملەكەتتىك تاريحي-مادەني قورىق-مۋزەيى» رەسپۋبليكالىق مەملەكەتتىك قازىنالىق كاسىپورنى تاريحي-مادەني وبەكتىلەردىڭ ساقتالۋىن قامتاماسىز ەتۋ جانە يننوۆاتسيالىق دامۋ جونىندەگى ديرەكتور ورىنباسارى, ديرەكتورى قىزمەتتەرىن اتقاردى.

2020 جىلدىڭ ماۋسىم ايىنان بەرى «بەرەل» مەملەكەتتىك تاريحي-مادەني قورىق-مۋزەيى» رەسپۋبليكالىق مەملەكەتتىك قازىنالىق كاسىپورنى ديرەكتورىنىڭ مىندەتىن اتقارۋشى بولدى.