يسپانياداعى كاتالونيا اۆتونومدى قوعامداستىعىندا داۋىل سوعىپ, سۋ تاسقىنى بولدى. تابيعي اپاتتان زارداپ شەككەندەر تۋرالى اقپارات جوق, دەپ جازادى Egemen.kz.
The Washington Post جازۋىنشا, قاتتى جاڭبىر تۇندە باستالىپ, الكانار قالاسىندا تۇسكى ۋاقىتقا دەيىن جالعاسقان. لاي سۋ اعىنى دالادا تۇرعان جيھازدار مەن كولىكتەردى جەرورتا تەڭىزىنە اعىزىپ اكەتكەن. توتەنشە جاعدايلار قىزمەتى كولىكتەر مەن جاعالاۋداعى ۇيلەردە قالعان ونداعان ادامدى قۇتقاردى. كەم دەگەندە 10 مىڭ تۇرعىن جارىقسىز قالدى. جولدار جابىلىپ, پويىز قوزعالىسى ءۇزىلدى. ازىرگە زارداپ شەككەندەر تۋرالى اقپارات جوق.
كاتالونيا مەتەورولوگيالىق قىزمەتىنىڭ مالىمەتىنشە, جاۋىن-شاشىن كەزىندە ءبىر شارشى مەترگە 215 ليتردەن استام سۋ تۇسكەن.
جەرگىلىكتى بيلىك تۇرعىنداردى ۇيدە بولۋعا شاقىردى, ويتكەنى اۋا رايى ءالى دە تۇراقسىز. تاعى دا سۋ تاسقىنى بولۋى مۇمكىن.
جاۋىن-شاشىن سالدارىنان ەلدىڭ ورتالىق بولىگىنە دە قاۋىپ ءتونىپ تۇر. مادريدتە جانە باسقا اۋدانداردا قالىپتان تىس قۇبىلىستار تىركەلدى. توعىز مىڭنان استام نايزاعاي جارقىلى تىركەلگەن.