كاتونقاراعاي اۋدانىنىڭ اكىمى ءداۋرەن تىلەۋباەۆ جاقىندا اقپارات قۇرالدارى وكىلدەرىمەن بولعان بريفينگتە ەلدى ەلەڭ ەتكىزگەن جاڭالىقتاردى حاباردار ەتتى.
كاتونقاراعاي اۋدانىنىڭ اكىمى ءداۋرەن تىلەۋباەۆ جاقىندا اقپارات قۇرالدارى وكىلدەرىمەن بولعان بريفينگتە ەلدى ەلەڭ ەتكىزگەن جاڭالىقتاردى حاباردار ەتتى.
– وڭىردەگى بەرەل قورعانى, مۇزتاۋ مەن «راحمان قاينارى» جانە اۋدانداعى پانتىمەن ەمدەيتىن ونعا تارتا شيپاجايلارعا قازاقستاندىقتار عانا ەمەس, شەتەلدەردەن دە تۋريستەر اعىلىپ كەلە باستادى. 2013 جىلى كاتونقاراعايعا 13 مىڭنان استام تۋريست كەلىپ دەمالعان, دەنساۋلىقتارىن تۇزەپ قايتقان. بيىلدان باستاپ جالپى قۇنى 140 ميلليون تەڭگە بولاتىن حالىقارالىق تالاپتارعا ساي بىرنەشە شيپاجايلار سالۋدى كوزدەپ وتىرمىز. «ەكى دوس» جشس اۋداننىڭ اقشارباق, جازابا, مارالدى اۋىلدارىندا بارلىق جاعداي جاسالعان شيپاجاي قۇرىلىسىن سالىپ بەرمەك, – دەدى اۋدان اكىمى.
تۋريزم كلاستەرىن دامىتۋ ءۇشىن ەڭ الدىمەن جولدار جوندەلىپ, اۋە قاتىناسى جولعا قويىلسا ءتىپتى وڭ بولار ەدى. اۋدان ورتالىعى ۇلكەن نارىنداعى اۋەجاي عيماراتى جوندەلىپ, «ۇلكەن-نارىن-وسكەمەن», «وسكەمەن-ۇلكەن-نارىن» جانە استاناعا دەيىن توتە اۋە قاتىناسى اشىلاتىن ءتۇرى بار. بيىل جول جوندەۋگە دە قارجى مول بولىنبەك. ورەل اۋىلىنان راحمان قاينارىنا دەيىنگى جولدار دا جاڭارتىلماق. شالعايدا جاتقان, تابيعاتى كوز تارتاتىن, نۋ ورمانعا مالىنىپ جاتقان كاتونقاراعايدىڭ داڭقىن شىعاراتىن كەز كەلدى, دەپ بريفينگتى تۇيىندەدى اۋدان اكىمى.
وڭداسىن ەلۋباي,
«ەگەمەن قازاقستان».
شىعىس قازاقستان وبلىسى,
كاتونقاراعاي اۋدانى.
سۋرەتتە: «ەكى دوس» سەرىكتەستىگى سالعان توپقايىڭ اۋىلىنداعى شيپاجاي.