قازاقستان, رەسەي, ازەربايجان جانە يران كەمەلەرى قىركۇيەكتىڭ باسىندا تەڭىز كۋبوگى جارىسى اياقتالعاننان كەيىن كاسپي تەڭىزىندە بىرلەسكەن جاتتىعۋلار وتكىزەدى. بۇل تۋرالى رەسەيلىك دەلەگاتسيا باسشىسى, كاسپي جەدەل قۇرىلىمى كومانديرىنىڭ ورىنباسارى, كونتر-ادميرال سەرگەي ەكيموۆ مالىمدەدى, دەپ حابارلايدى Egemen.kz.
«تەڭىز كۋبوگى اياقتالعاننان كەيىن بىردەن بىرلەسكەن جاتتىعۋلار وتكىزەمىز, وعان رەسەي اسكەري-تەڭىز كۇشتەرى, يران تەڭىز فلوتى, قازاقستان مەن ازەربايجاننىڭ اسكەري كەمەلەرى قاتىسادى. بىرنەشە كۇن بويى ءبىز كاسپي تەڭىزىندە بىرلەسكەن ءىس-قيمىلدار جۇرگىزەمىز», دەدى ەكيموۆ.
ازەربايجان, قازاقستان, يران جانە رەسەيدىڭ شاعىن زىمىراندىق-ارتيللەريالىق كەمەلەرى يراندا العاش رەت وتكىزىلىپ وتىرعان ARMI-2021 «تەڭىز كۋبوگى» بايقاۋىنا قاتىسىپ جاتىر (الدىڭعى بىرنەشە جىلدا ازەربايجان قابىلداۋشى ەل بولعان).
«تەڭىز كۋبوگى» التى كەزەڭنەن تۇرادى: تەڭىز جاتتىعۋلارى (ياكور جانە بارابان), كەمەنىڭ زاقىمدانۋىن باقىلاۋ (ساڭىلاۋلار) جاعالاۋداعى جاتتىعۋ ترەناجەرىندا, قۇتقارۋ جاتتىعۋلارى (قۇتقارۋ سالىنا وتىرعىزۋ), پۋلەمەتتەن جۇزەتىن مينانى جويۋ جانە تەڭىز جانە اۋە نىساندارىنا ارتيللەريالىق اتىس.
«تەڭىز كۋبوگى» جارىسىنىڭ ءتورتىنشى كەزەڭى يراننىڭ انزالي پورتى ايماعىندا ءوتتى. ازەربايجان, يران, قازاقستان جانە رەسەي كوماندالارى تەڭىز شاحتاسىندا وق اتۋدى تاجىريبەدەن وتكىزدى. جارىستىڭ ءتورت جاتتىعۋىنىڭ ناتيجەسى بويىنشا يران كومانداسى ءبىرىنشى ورىندا, ودان كەيىن كاسپي تەڭىزشىلەرى, ءۇشىنشى جانە ءتورتىنشى ورىندار سايكەسىنشە قازاقستان مەن ازەربايجان تەڭىز كۇشتەرى كەمەلەرىنىڭ ەكيپاجىنا بەرىلدى.