ۇكىمەتتىك كوميسسيا – اپات ورنىندا

اۋەلى دابىل بەلگىسى بويىنشا وبلىستىق پوليتسيا دەپار­تامەنتىنىڭ 300 ادامنان تۇراتىن جەكە قۇرامى مەن 5513 اسكەري ءبولى­مىنىڭ 520 ادامدىق جەكە قۇرا­مى جۇمىسقا كىرىستى. سول كۇنى وقيعا ورنىنا 30 توپتان تۇراتىن جەدەل جاردەم بريگاداسىنىڭ جانە وبلىس­تىق توتەنشە جاعدايلار دە­پار­تامەنتىنىڭ قىزمەتكەرلەرى جىبەرىل­دى. سونىمەن قاتار بەيسەن­بى كۇنى اپات بولعان جەرگە باراتىن بارلىق جول مەن تەمىر جول ۋاقىت­شا جابىلىپ, جاقىن ماڭدا ورنالاسقان بازارباي, ءۇش-بۇلاق جانە جاڭاتۇرمىس اۋىلدارىنداعى تۇرعىندار دا وقشاۋلاندى.

 مەملەكەت باسشىسى قاسىم-جومارت توقاەۆ جامبىل وبلى­سىن­داعى وقىس وقيعاعا شۇعىل نازار اۋدارىپ, ورىن العان توتەن­شە جاعدايدىڭ سالدارىن جويۋ ءۇشىن ۆەدومستۆوارالىق مەملە­كەتتىك كوميسسيا قۇرۋدى, قازا بولعان ازاماتتاردىڭ وتباسىن الەۋ­مەت­تىك قورعاۋ جانە زارداپ شەك­كەن تۇرعىندارعا كومەك كور­سەتۋ ءۇشىن بارلىق قاجەتتى شارانى قابىل­داۋدى جانە توتەنشە وقيعا سالدارىنان جاراقات العان ازاماتتارعا جان-جاقتى مەديتسينالىق كومەك كورسەتۋدى ۇيىمداستىرۋدى تاپسىر­عان بولاتىن.

پرەزيدەنت تاپسىرماسىمەن قۇرىلعان بايزاق اۋدانىن­داعى وق-ءدارى قويماسىندا ورىن العان ءورت پەن جارىلىس سالدارىن جويۋ جونىندەگى ۇكىمەتتىك كوميس­سيا جامبىل وبلىسىنا ارنايى كەلىپ, وقيعا ورنىنا باردى. پرەمەر-ءمينيستردىڭ ورىنباسارى رومان سكليار, جامبىل وبلىسىنىڭ اكىمى بەردىبەك ساپارباەۆ, قورعانىس ءمينيسترى نۇرلان ەرمەكباەۆ, توتەنشە جاعدايلار ءمينيسترى يۋري يلين, ىشكى ىستەر ءمينيسترىنىڭ ورىنباسارى مۇرات بايمۇقاشەۆ, يندۋستريا جانە ينفراقۇرىلىمدىق دامۋ ءمينيسترىنىڭ ءبىرىنشى ورىنباسارى قايىربەك وسكەنباەۆ جانە باسقا دا ورتالىق مەملەكەتتىك ورگانداردىڭ باسشىلارى زارداپ شەككەن نىساندارمەن تانىستى. ءورت سالدارىن جويۋ جونىندەگى جۇمىستاردىڭ بارىسىن كورىپ, جارالانعان اسكەريلەرمەن جانە ءورت سوندىرۋشىلەرمەن, سونداي-اق جەرگىلىكتى تۇرعىندارمەن كەزدەستى.

رومان سكليار جەدەل شتاب وتىرىسىن وتكىزىپ, جاۋاپتى تۇلعالار­عا ناقتى تاپسىرمالار بەردى. اتال­عان كوميسسيانىڭ الدىندا بولعان ءورت پەن جارىلىس سالدارىن جويۋ, زاقىمدالعان ينفراقۇرىلىم­دى قالپىنا كەلتىرۋ, سونداي-اق زارداپ شەككەندەرگە الەۋمەتتىك قولداۋ, مەديتسينالىق كومەك شارالارىن كورسەتۋ بويىنشا مىندەتتەر قويىلدى. وسى ورايدا, بارلىق زارداپ شەككەندەرگە كومەك كورسەتىلەتىنى, ءبىرىنشى كەزەكتە تۇرعىن ۇيلەر مەن كاسىپكەرلىك جانە ينفراقۇرىلىمدىق نىسانداردىڭ قالپىنا كەلتىرىلەتىنى ايتىلدى.

سونداي-اق جامبىل وبلىسىنىڭ اكىمى بەردىبەك ساپارباەۆ, قور­عانىس ءمينيسترى نۇرلان ەرمەكباەۆ, توتەنشە جاعدايلار ءمينيسترى يۋري يلين وڭىرلىك كوممۋنيكاتسيالار قىزمەتىنىڭ الاڭىندا وتكەن بريفينگكە قاتىسىپ, بايزاق اۋدانىندا بولعان جارىلىس زارداپتارىن جويۋ, كەلتىرىلگەن شىعىنداردى انىقتاۋ جانە قالپىنا كەلتىرۋ جۇمىستارى جۇرگىزىلىپ جاتقانىن مالىمدەدى.

«مەملەكەت باسشىسىنىڭ تاپ­سىر­ماسىنا سايكەس ءبىز جەدەل شتاب قۇردىق. وعان بارلىق ءتيىس­تى ورگانداردىڭ وكىلدەرى ەندى. قور­عانىس جانە توتەنشە جاعداي ءمينيسترى, ىشكى ىستەر ءمينيسترىنىڭ ورىنباسارىمەن بىرگە تاۋلىك بويى وقيعا ورنىندا جۇمىس اتقارىپ جاتىرمىز. زارداپتاردى جويۋ, كەلگەن شىعىنداردى انىقتاۋ بويىنشا شارالار اتقارىلۋدا. جارىلىس بولعان جەرگە جاقىن ورنالاسقان 3 ەلدى مەكەن بار. ونىڭ ەڭ جاقىنى – 1 شاقىرىم جەردە ورنالاسقان قاينار اۋىلى. قالعان ەكەۋى – 5 شاقىرىم قاشىقتىقتا. وسى ەلدى مەكەندەردەگى ازاماتتاردىڭ بارلىعى باسقا جەرلەرگە, ياعني ءبىز دايىنداعان 10 مەكتەپ پەن 5 كوللەدجدىڭ جاتاقحانالارىنا ورنالاستىرىلدى. قازىرگى تاڭدا 227 ادام سوندا قالىپ وتىر. باسىم بولىگى وزدەرىنىڭ اعايىن-تۋىس­تارىنا كەتتى. بولعان جاعدايدى قالپىنا كەلتىرۋ ءۇشىن 1000-نان استام ادام, 120-عا جۋىق تەحنيكا تارتىلدى», دەدى بەردىبەك ساپارباەۆ. سونداي-اق وقيعاعا وراي, 30-دان اسا جەدەل جاردەم كولىگى جۇمىلدىرىلعان. بارلىعى 88 ادامعا مەديتسينالىق كومەك كورسەتىلسە, جەڭىل جاراقات العان 60 ادام ۇيلەرىنە قايتارىلعان. قازىرگى تاڭدا №1 تاراز قالالىق اۋرۋحاناسىندا 28 ادام ەم الۋدا.

وڭىرگە كەلگەن ۇكىمەتتىك كوميسسيا مۇشەلەرى جارالانعان ازاماتتارمەن دە, ەۆاكۋاتسيالانعان تۇر­عىندارمەن دە كەزدەستى. كوميس­سيا مۇشەلەرى ناۋقاستار ءۇشىن ءدارى-دارمەك جونىندە ەشقانداي ماسەلە جوق ەكەنىن جەتكىزدى.

وكىنىشكە قاراي, ەلىمىزدىڭ توتەن­شە جاعدايلار مينيستر­لىگىنىڭ مالى­مەتىنشە, اتال­عان مينيسترلىكتىڭ 50-گە جۋىق قىز­مەت­كەرى ءتۇرلى دارەجەدە دەنە جارا­قاتىن العان. جارىلىستان جال­پى سانى 13 ادام قازا تاۋىپ, 98 ادام جاراقاتتانعان. جوعال­عاندا­ر­دى ىزدەستىرۋ جۇمىستارى جالعاسۋدا.

قورعانىس ءمينيسترى نۇرلان ەرمەكباەۆ پەن جامبىل وبلىسى­نىڭ اكىمى بەردىبەك ساپارباەۆ بايزاق اۋدانىندا بولعان جارىلىس سالدارىنان قازا تاپقان اسكەريلەر مەن ءورت سوندىرۋشىلەردىڭ وتباسىلارىنا بارىپ, ەلباسى نۇرسۇلتان نازارباەۆ پەن پرەزيدەنت قاسىم-جومارت توقاەۆتىڭ اتىنان قارا­لى ۇيلەردىڭ قايعىلارىنا ورتاق­تاسىپ, كوڭىل ايتتى. ۇكىمەتتىك كوميسسيا مۇشەلەرى مارقۇمداردىڭ قىز­مەتتىك مىندەتتەرىن اتقارۋ كە­زىن­دە ەرلىكپەن قازا تاپقانىن اي­رىقشا اتاپ ءوتىپ, ولاردىڭ وتباسى­لارىنا مەملەكەت تاراپىنان ءتيىستى بارلىق كومەك كور­سەتىلەتىنىن جەتكىزدى.

وقيعا ورىن العان كۇنى جامبىل وبلىسىنىڭ اۋماعىنا كىرۋگە جانە شىعۋعا تىيىم سالىن­عان بولاتىن. «الماتى – تاراز» باعىتىنداعى جولدى وبلىستىق جول پوليتسياسىنىڭ 3 ەكيپاجى جانە «تاراز – الماتى» جولىن 5 ەكيپاجى ۋاقىتشا جا­ۋىپ تاستاعان ەدى. العاشقى كەزدە №1 تاراز قالالىق اۋرۋحاناسىنا ءتۇرلى جاراقاتپەن 32 ادام تۇسكەن. وقيعا بويىنشا ءوڭىردىڭ توتەنشە جاعدايلار, قۇقىق قورعاۋ جانە مەديتسينا سالاسىنىڭ وكىلدەرى بارىنشا جۇمىلدىرىلدى. بەلگىلى بولعانىنداي, كەيىننەن جاراقات العاندار مەن قايتىس بولعاندار­دىڭ سانى ارتقان. بۇگىندە جامبىل وبلىسىنىڭ اكىم­دىگى تەمىر جول­دىڭ بارلىعى تازار­تىلعان سوڭ, قايتا تەكسەرىلىپ, شەشىم قابىل­داناتىنىن مالىم­دەدى. ال جالپى كولىكتەرگە بايلانىس­تى قازىر اينالما جول ۇيىم­داستى­رىلعان. جالپى, وڭىردەگى جاعداي تۇراق­تى. مەملەكەت باسشىسى قاسىم-جومارت توقاەۆتىڭ تاپسىرماسىنا سايكەس توتەنشە وقيعا سالدارىنان زارداپ شەككەن بارلىق ازاماتقا كومەك كورسەتىلەتىن بولادى. 

«زارداپ شەككەن ازاماتتاردىڭ اراسىندا مۇمكىندىگى شەكتەۋ­لى جانە تاعى دا باسقا ازاماتتار بولسا, زاڭعا سايكەس كومەك كورسەتىلەدى. زارداپ شەككەن ۇيلەر مەن نىساندارعا كەلەتىن بولساق, ماماندار 3 ەلدى مەكەندى ارالاپ شىقتى. وندا ورتەنگەن ۇيلەر, باسقا دا نىساندار تىركەلمەگەن. تەك شاتىرلار, تەرەزەلەر, ەسىكتەر زاقىمدانعان. ءبىز ارنايى كوميسسيا قۇردىق. قازىر ولار زەردەلەۋ جۇمىستارىن جۇرگىزۋدە. بارلىق ءۇيدى, نىساندى زەردەلەيمىز. زاڭعا سايكەس شەشىم قابىلدايتىن بولامىز», دەيدى بەردىبەك ساپارباەۆ.

جامبىل وبلىسى