قر پرەزيدەنتى قاسىم-جومارت توقاەۆتىڭ جارلىعىمەن اسكەري جانە قىزمەتتىك بورىشىن اتقارۋدا كورسەتكەن ەرلىگى مەن جانقيارلىعى ءۇشىن جامبىل وبلىسىنداعى اسكەري قويما جارىلىسىندا قازا تاپقان ازاماتتار مەملەكەتتىك ناگرادامەن ماراپاتتالدى, دەپ جازادى Egemen.kz akorda.kz-كە سىلتەمە جاساپ.
ءى دارەجەلى «ايبىن» وردەنىمەن ناگرادتالعاندار:
قاپەزوۆ ارمان قۋانىش ۇلى (مارقۇم) – باس اسكەري پروكۋراتۋرانىڭ وڭتۇستىك ايماق اسكەري پروكۋرورى ميكروپۋلو الەكساندر نيكولاەۆيچ (مارقۇم) – توتەنشە جاعدايلار مينيسترلىگى جامبىل وبلىسى توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى ءورت ءسوندىرۋ كەزەكشى قىزمەتىنىڭ جەدەل كەزەكشىسى ء(ورت ءسوندىرۋ جەتەكشىسىنىڭ ورىنباسارى).
ءىىى دارەجەلى «ايبىن» وردەنىمەن ناگرادتالعاندار: دالىباەۆ ورازبەك دايرا ۇلى (مارقۇم) – قورعانىس مينيسترلىگى № 28349 اسكەري ءبولىمى ۆەدومستۆولىق كۇزەت كومانداسىنىڭ اتقىشى جانبولاتوۆ رۋسلان ءجۇرسىنباي ۇلى (مارقۇم) – قورعانىس مينيسترلىگى № 28349 اسكەري ءبولىمى ورتكە قارسى قورعانىس جانە قۇتقارۋ جۇمىستارى اسكەري كومانداسىنىڭ مامانى ء(ورت ءسوندىرۋشىسى) مەشىنباي مارات سايلاۋ ۇلى (مارقۇم) – قورعانىس مينيسترلىگى № 28349 اسكەري ءبولىمى ورتكە قارسى قورعانىس جانە قۇتقارۋ جۇمىستارى اسكەري كومانداسىنىڭ مامانى (مەحانيك-جۇرگىزۋشىسى) نادىربەكوۆ ەركىن ەرىكباي ۇلى (مارقۇم) – قورعانىس مينيسترلىگى № 28349 اسكەري ءبولىمى ورتكە قارسى قورعانىس جانە قۇتقارۋ جۇمىستارى اسكەري كومانداسىنىڭ بولىمشە باستىعى (كوماندا باستىعى) ساندىباەۆ ەلدوس قادىرباي ۇلى (مارقۇم) – توتەنشە جاعدايلار مينيسترلىگى جامبىل وبلىسى توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى № 3 ءورت ءسوندىرۋ ءبولىمىنىڭ اعا ءورت ءسوندىرۋشى-قۇتقارۋشىسى تەمىربولاتوۆ ارنۇر سەرىك ۇلى (مارقۇم) – توتەنشە جاعدايلار مينيسترلىگى جامبىل وبلىسى توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى № 3 ءورت ءسوندىرۋ ءبولىمىنىڭ ءورت ءسوندىرۋشى-قۇتقارۋشىسى تورەبەكوۆ تاڭىربەرگەن قۇدايبەرگەن ۇلى (مارقۇم) – توتەنشە جاعدايلار مينيسترلىگى جامبىل وبلىسى توتەنشە جاعدايلار دەپارتامەنتىنىڭ ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى № 1 مامانداندىرىلعان ءورت ءسوندىرۋ ءبولىمىنىڭ اعا ءورت ءسوندىرۋشى-قۇتقارۋشىسى.
ەسكە سالساق, 26 تامىز كۇنى كەشكى ساعات 19.00 شاماسىندا جامبىل وبلىسىنىڭ بايزاق اۋدانىنداعى №28349 اسكەري ءبولىمنىڭ وق-ءدارى قويماسىنان ءورت شىعىپ, جويقىن جارىلىس بولعان ەدى. كەشە قر پرەزيدەنتى قاسىم-جومارت توقاەۆ 29 تامىزدى جالپىۇلتتىق ازا تۇتۋ كۇنى دەپ جاريالاعان بولاتىن. ازالى كۇننىڭ جاريالانۋىنا بايلانىستى كەشەدەن بەرى قازاقستان مۇسىلماندارى ءدىني باسقارماسىنىڭ ۇيعارىمىمەن ەلدەگى مەشىتتەردە بەيبىت كۇندە شەيىت بولعان اسكەريلەر مەن قۇتقارۋشىلاردىڭ رۋحىنا باعىشتاپ قۇران حاتىم وقىلىپ جاتىر.
سوڭعى دەرەك بويىنشا سول جارىلىستاردىڭ سالدارىنان قازا تاپقان اسكەريلەر مەن قۇتقارۋشىلار سانى 13 ادامعا جەتتى. قورعانىس جانە توتەنشە جاعدايلار مينيسترلىكتەرى ءالى بىرەر اداممەن بايلانىس ورناتا الماي وتىر. 27 تامىزدا مەملەكەت باسشىسى قاسىم-جومارت توقاەۆ اتالمىش توتەنشە جاعداي بويىنشا شۇعىل جينالىس وتكىزىپ, ۆەدومستۆوارالىق مەملەكەتتىك كوميسسيا قۇرۋدى تاپسىرعان بولاتىن. سونداي-اق, ول باس پروكۋراتۋرا مەن ىشكى ىستەر مينيسترلىگىنە جامبىل وبلىسىنداعى وقىس وقيعانىڭ ءمان-جايىن جانە كىنالىلەردى انىقتاۋ ءۇشىن سوتقا دەيىنگى تەرگەۋ امالدارىن مۇقيات جۇرگىزۋدى تاپسىردى.