پورتۋگاليالىق اتاقتى فۋتبولشى كريشتيانۋ رونالدۋ تۋريندىك «يۋۆەنتۋستان» «مانچەستەر يۋنايتەد» كلۋبىنا اۋىستى, دەپ حابارلايدى Egemen.kz.
بۇل تۋرالى اعىلشىننىڭ «مانچەستەر يۋنايتەد» كومانداسى Instagram جەلىسىندەگى پاراقشاسىندا جاريالادى. «ۇيگە قوش كەلدىڭ, @Cristiano», - دەپ قىسقا عانا ءماتىن جازىلعان.
ەسكە سالايىق, رونالدۋ 2018 جىلدان بەرى تۋريندىك «يۋۆەنتۋس» ساپىندا ويناعان. 36 جاستاعى پورتۋگاليالىق شابۋىلشى وتكەن ماۋسىمدا 29 گول سوعىپ, يتاليا چەمپيوناتىنىڭ ۇزدىك سۇرمەرگەنى اتاندى. رونالدۋدىڭ يتاليالىق كلۋبپەن كەلىسىمشارتى 2022 جىلدىڭ 30 ماۋسىمىنا دەيىن ەسەپتەلگەن ەدى.