مەملەكەت باسشىسى قاسىم-جومارت توقاەۆتىڭ تاپسىرماسى اياسىندا قر پرەمەر-ءمينيسترى اسقار ءماميننىڭ وكىمىمەن 26 تامىزدا جامبىل وبلىسىنىڭ بايزاق اۋدانىنداعى وق-ءدارى قويماسىندا ورىن العان ءورت پەن جارىلىس سالدارىن جويۋ جونىندەگى ۇكىمەت كوميسسياسى قۇرىلدى, دەپ جازادى Egemen.kz ۆەدومستۆو سايتىنا سىلتەمە جاساپ.
قر پرەمەر-ءمينيسترىنىڭ ورىنباسارى رومان سكلياردىڭ توراعالىعىمەن كوميسسيا قۇرامىنا جامبىل وبلىسىنىڭ اكىمى بەردىبەك ساپارباەۆ, قورعانىس ءمينيسترى نۇرلان ەرمەكباەۆ, توتەنشە جاعدايلار ءمينيسترى يۋري يلين, ىشكى ىستەر ءمينيسترىنىڭ ورىنباسارى مۇرات بايمۇقاشەۆ, ەڭبەك جانە حالىقتى الەۋمەتتىك قورعاۋ, دەنساۋلىق ساقتاۋ, يندۋستريا جانە ينفراقۇرىلىمدىق دامۋ جانە باسقا دا ورتالىق مەملەكەتتىك ورگانداردىڭ ۆيتسە-مينيسترلەرى كىردى.
كوميسسيا مىندەتىنە زالالدى باعالاۋ جانە ءورت پەن جارىلىس سالدارىن جويۋ, زاقىمدالعان ينفراقۇرىلىمدى قالپىنا كەلتىرۋ, سونداي-اق زارداپ شەككەندەرگە الەۋمەتتىك قولداۋ كورسەتۋ شارالارى كىرەدى.