ءبىلىم جانە عىلىم مينيسترلىگى اۋعان ستۋدەنتتەرىنىڭ قازاقستانعا جەتكىزىلۋى تۋرالى اقپاراتقا پىكىر ءبىلدىردى, دەپ حابارلايدى Egemen.kz.
بۇعان دەيىن بۇقارالىق اقپارات قۇرالدارىندا وتانىنا ورالعان, بىراق قازاقستاندا مەملەكەتتىك باعدارلاما بويىنشا وقيتىن اۋعان ستۋدەنتتەرىنىڭ وقۋىنا ورالۋى مۇمكىن ەكەنى تۋرالى اقپارات پايدا بولدى.
مينيسترلىك ءباسپاسوز قىزمەتى مالىمەتىنشە, قازاقستاننىڭ قۇزىرلى ورگاندارى ءبىزدىڭ ەلدەگى وقۋ ورىندارىندا وقيتىن اۋعان ستۋدەنتتەرىنە قاتىستى جۇمىس جۇرگىزىپ جاتىر.سونىمەن قاتار اۋعانستانداعى جاعدايعا بايلانىستى بۇل ماسەلەنى اۋعان تاراپىمەن تالقىلاۋ ءالى مۇمكىن ەمەس. مينيسترلىك ستۋدەنتتەردىڭ قازاقستانعا كەلۋىنە قاتىستى ماسەلە ءالى شەشىلمەگەنىن جانە قوسىمشا قاراستىرىلاتىنىن ايتتى.
ايتا كەتەيىك, بۇعان دەيىن ءبىلىم جانە عىلىم مينيسترلىگى ىنتىماقتاستىق تۋرالى مەموراندۋم اياسىندا ەلدىڭ ءبىلىم بەرۋ مەكەمەلەرىندە 102 اۋعان ستۋدەنتى ءبىلىم الىپ جاتقانىن حابارلاعان بولاتىن.