باتىس قازاقستان وبلىسىندا اقتوبەلىك الاياق 82 جاستاعى زەينەتكەردىڭ 1,9 ملن تەڭگەسىن جىمقىرىپ كەتكەن, دەپ حابارلايدى Egemen.kz.
بقو پوليتسيا دەپارتامەنتىنىڭ رەسمي وكىلى بولاتبەك بەلگىبەكوۆتىڭ ءمالىم ەتكەنىندەي, الاياق ايەل ۇلىمەن بىرگە اقتوبە وبلىسىندا ۇستالدى.
وقيعا 23 تامىز كۇنى تەرەكتى اۋدانى, اقجايىق اۋىلىندا بولدى. 1939 جىلعى زەينەتكەردىڭ ۇيىنە سىعان ايەل كەلىپ, دياگنوز قويىپ بەرەتىنىن ايتقان. سوسىن وعان دۋا تۇسكەنىن, ءتۇرلى اۋرۋعا شالدىققانىن جەتكىزىپ, بۇدان ارىلتاتىنىن جەتكىزگەن. سودان كەيىن زەينەتكەردى سيقىرلاپ, ۇيدەگى بارلىق اقشانى كورسەتۋىن سۇراعان. اقىرى ەمگە زيانى تيمەۋى ءۇشىن بۇل جونىندە ەشكىمگە ءتىس جارماۋى كەرەكتىگىن ەسكەرتىپ, ماشينامەن تايىپ تۇرعان. اۆتوكولىك رۋلىندە ونىڭ 23 جاسار ۇلى بولعان.
«بۇعان كۇدىكتەنگەن زەينەتكەر ايەلدىڭ كۇيەۋى اقشانى تاياۋ ماڭداعى ساۋدا نۇكتەسىنە بارىپ تەكسەرتكەن كەزدە جالعان بولىپ شىققان. پوليتسەيلەر الاياقتاردىڭ ىزىنە بەينەباقىلاۋ ارقىلى ءتۇستى. سول ءتۇنى ولاردى دەپارتامەنتتىڭ كريمينالدىق پوليتسيا باسقارماسىنىڭ قىزمەتكەرلەرى قولعا ءتۇسىردى. جىمقىرىلعان اقشانىڭ ءبىر بولىگى تاركىلەندى», دەدى پد وكىلدەرى.
قازىرگى كەزدە قر قك 190-بابىنا (الاياقتىق) سايكەس سوتقا دەيىنگى تەرگەۋ امالدارى جۇرگىزىلۋدە.