26 قىركۇيەك - 2 قازان ارالىعىندا نۇر-سۇلتانداعى ۇلتتىق تەننيس ورتالىعىندا WTA 250 ايەلدەر اراسىنداعى تەننيس ءتۋرنيرى وتەدى. شارا الەمنىڭ 70-تەن استام ەلىندە كورسەتىلەدى, دەپ جازادى Egemen.kz.
«بۇل - وتە اۋقىمدى شارا. ەكى اپتا بويى الەم تەننيسىنىڭ نازارى قازاقستانعا اۋادى, ويتكەنى الدىمەن ەرلەر اراسىندا ATP 250 ءتۋرنيرى وتەدى, سودان كەيىن بىردەن ايەلدەر WTA 250 باستالادى. ءبىز الەم تەننيسشىلەرى مەن جانكۇيەرلەرىن ۇمىتىلماس جاقسى اسەرگە بولەۋ ءۇشىن بار كۇشىمىزدى سالامىز», دەيدى Astana Open WTA 250 ءتۋرنيرىنىڭ ديرەكتورى پيتەر دجونستون قتف ءباسپاسوز قىزمەتىنە بەرگەن سۇحباتىندا.
ايەلدەر اراسىنداعى ءتۋرنيردىڭ نەگىزگى كەزەڭىنە قازاقستان قۇراماسىنىڭ بارلىق كوشباسشىسى قاتىسادى. ATP 250 جانە WTA 250 باستالماس بۇرىن نۇر-سۇلتاندا قازاقستان چەمپيوناتى وتەدى. جەڭىمپازدار نەگىزگى كەزەڭگە wild card الادى, ال فيناليستەر ىرىكتەۋ ويىنىنا قاتىسادى.