قازاقستاندا قانشا شەتەل ازاماتى جۇمىس ىستەيدى؟

2021 جىلعى 1 تامىزداعى جاعداي بويىنشا قازاقستاندا 15 786 شەتەل ازاماتى جۇمىس ىستەيدى.  ولاردا جەرگىلىكتى اتقارۋشى ورگانداردىڭ رۇقساتى بار.

شەتەلدىك جۇمىس كۇشىن تارتۋعا بەرىلگەن رۇقساتتاردىڭ ىشىندە بىرنەشە سانات بار. ءبىرىنشى سانات – باسشىلار جانە ولاردىڭ ورىنباسارلارى (661 ادام), ەكىنشى سانات – قۇرىلىمدىق بولىمشەلەردىڭ باسشىلارى (3 283 ادام). ءۇشىنشى ساناتى – ماماندار (7 619 ادام), ءتورتىنشىسى – بىلىكتى جۇمىسشىلار (384 ادام).

سونداي-اق ماۋسىمدىق جۇمىستارعا – 1 952 ادام, ال كورپوراتيۆتىك اۋىستىرۋ شەڭبەرىندە – 1 887 ادام تارتىلعان.

قازىرگى ۋاقىتتا قازاقستاندا شەتەل ازاماتتارىن جۇمىسقا الاتىن 1 801 جۇمىس بەرۋشى بار. ولاردا شامامەن 485 مىڭ قازاقستان ازاماتى جۇمىس ىستەيدى, بۇل جالپى جۇمىسشىلار سانىنىڭ 96%-ىن قۇرايدى.

 ەڭبەك ميگرانتتارى كوبىنەسە قىتاي (3 785 ادام), وزبەكستان  (1 982 ادام), تۇركيا (1 443 ادام), ءۇندىستان (1 031 ادام), ۇلىبريتانيا (948 ادام) ەلدەرىنەن كەلەدى.

«ەستەرىڭىزگە سالا كەتەيىك, ىشكى ەڭبەك نارىعىن قورعاۋ ماقساتىندا قر ەڭبەك جانە حالىقتى الەۋمەتتىك قورعاۋ مينيسترلىگى جىل سايىن ەلىمىزگە شەتەلدىك مامانداردى تارتۋعا ارنالعان كۆوتا بەلگىلەيدى. 2021 جىلى كۆوتا مولشەرى جۇمىس كۇشىنە شاققاندا 0,31%-دى نەمەسە 29,3 مىڭ بىرلىكتى قۇرادى», دەپ جازادى ۆەدومستۆو.