قازاقستاندا پەداگوگتەردىڭ 90 %-ى كوروناۆيرۋسقا قارسى ۆاكتسينا الدى. بۇل تۋرالى قر ءبىلىم جانە عىلىم ءمينيسترىنىڭ شتاتتان تىس كەڭەسشىسى, نارحوز ۋنيۆەرسيتەتىنىڭ پرەزيدەنتى ميراس داۋلەنوۆ ءمالىم ەتتى, دەپ حابارلايدى Egemen.kz.
«جوعارى وقۋ ورنى قىزمەتكەرلەرى مەن ستۋدەنتتەردىڭ ۆاكتسينا الۋ شارتى بار. ۆاكتسينا العان پەداگوگتەردىڭ كورسەتكىشىن 10 پايىزعا جەتكىزۋ مىندەتى تۇر. ارينە بۇل كورسەتكىشكە مەديتسينالىق تۇرعىدان ۆاكتسينا الۋعا بولمايتىن پەداگوگتەر كىرمەيدى. قازىرگى ۆاكتسينا الۋ ءۇردىسى جاقسى ءجۇرىپ جاتىر. بارلىق ءوڭىردى قوسا العاندا پەداگوگتەردىڭ 90 پايىزى ۆاكتسينا الدى. ستۋدەنتتەر مەن وقىتۋشىلاردىڭ جانە وقۋشىلار مەن مۇعالىمدەردىڭ دەنساۋلىعىن قورعاۋ ماقساتىندا ۆاكتسينا الۋ ماڭىزدى», دەدى ميراس داۋلەنوۆ.
ودان بولەك, ءدارىس كەزىندە ستۋدەنتتەر مەن وقىتۋشىلار ماسكا تاعۋ رەجىمىن ساقتاۋى ءتيىس.
ء«بىز ءداستۇرلى وقۋ فورماتىنا كوشە وتىرىپ, ەپيداحۋالدى 2020 جىلعى 16 ناۋرىزداعى جاعدايعا جەتكىزبەۋىمىز كەرەك. پاندەميا كەزىندە ءبىراز قىزمەت تسيفرلاندىرىلدى. اتاپ ايتساق, جاتاقحاناعا تۇرۋعا ءوتىنىش بەرۋ, ءتۇرلى انىقتامالار جانە سول سياقتى شارۋالاردى ونلاين ىسكە اسىرۋعا بولادى. جوو-ى پاندەميا كەزىندەگى تاجىريبەلەرىن ءتيىمدى قولدانۋى ءتيىس. ستۋدەنتتەردى ءداستۇرلى وقۋ فورماتىنا كوشىرۋدە ۇكىمەت ماڭىزدى شارا قابىلدادى دەپ ويلايمىن. دەگەنمەن بۇل قاشىقتان وقۋ فورماتى قىسقارادى دەگەن ءسوز ەمەس, كەرىسىنشە قاشىقتان وقۋ ساپالى بىلىمگە قولجەتىمدىلىكتى ارتتىرادى», دەيدى ول.