قازاقستان رەسپۋبليكاسىنىڭ سىرتقى ىستەر مينيسترلىگى يراننىڭ يادرولىق باعدارلاماسى جونىندەگى دانەكەر ەلدەر «التىلىعى» مەن يران اراسىنداعى بىرلەسكەن ءىس-قيمىل جوسپارىنىڭ جۇزەگە اسىرىلۋىنىڭ باستالۋىنا قاتىستى مالىمدەمە جاريالادى, دەپ حابارلادى وسى ۆەدومستۆونىڭ ءباسپاسوز قىزمەتى.
قازاقستان رەسپۋبليكاسىنىڭ سىرتقى ىستەر مينيسترلىگى يراننىڭ يادرولىق باعدارلاماسى جونىندەگى دانەكەر ەلدەر «التىلىعى» مەن يران اراسىنداعى بىرلەسكەن ءىس-قيمىل جوسپارىنىڭ جۇزەگە اسىرىلۋىنىڭ باستالۋىنا قاتىستى مالىمدەمە جاريالادى, دەپ حابارلادى وسى ۆەدومستۆونىڭ ءباسپاسوز قىزمەتى.
قازاقستان 2013 جىلعى 24 قاراشا كۇنى جەنەۆادا دانەكەر ەلدەر «التىلىعىمەن» جانە يرانمەن قابىلدانعان يراننىڭ يادرولىق باعدارلاماسىنا قاتىستى بىرلەسكەن ءىس-قيمىل جوسپارىنىڭ جۇزەگە اسىرىلۋىنىڭ باستالۋىن قولدايدى, دەلىنگەن مالىمدەمەدە.
ودان ءارى قازاقستاننىڭ تاراتپاۋ رەجىمىنە قاتاڭ ۇستانعان جانە يادرولىق قارۋدان ءوز ەركىمەن باس تارتقان مەملەكەت رەتىندە يران مەن حالىقارالىق كەلىسسوزدەر جۇرگىزۋشى «التىلىقتى» بىرلەسكەن ءىس-قيمىل جوسپارىنىڭ شەڭبەرىندەگى مىندەتتەمەلەردى ۋاقتىلى جانە ءتيىمدى ىسكە اسىرۋ ماقساتىندا ءتيىستى قادامدار جاساۋعا شاقىراتىنى, بۇل ءوز كەزەگىندە يران يادرولىق باعدارلاماسى بويىنشا جان-جاقتى ءارى ۇزاق مەرزىمدى كەلىسىمگە قول جەتكىزۋ ناتيجەسىنە جەتەلەيتىنى اتاپ كورسەتىلەدى.
قازاقستان قول جەتكىزىلگەن كەلىسىمدەردى ىسكە اسىرۋ باستاماسى سەنىم دەڭگەيىنىڭ ۇلعايۋىنا, تاراپتاردىڭ الداعى ۋاقىتتاعى ءوزارا ىنتىماقتاستىعىنىڭ رەتتەلۋىنە جول اشىپ, ايماقتىق جانە حالىقارالىق قاۋىپسىزدىكتى نىعايتۋعا ءوز ۇلەسىن قوساتىن بولادى, دەلىنگەن مالىمدەمەنىڭ قورىتىندىسىندا.