ۆاكتسينانىڭ ءبىرىنشى نەمەسە ەكى كومپونەنتىن العان 18 جاستان اسقان وسكەمەن قالاسىنىڭ بارلىق تۇرعىنى Chevrolet Nexia اۆتوكولىگىنىڭ ۇتىس ويىنىنا قاتىسا الادى, دەپ جازادى Egemen.kz.
2021 جىلدىڭ 1 اقپانىنان باستاپ وسكەمەندەگى ەمحانالاردىڭ بىرىندە نەمەسە ەگۋ ورنىندا COVID-19 ۆاكتسيناسىن العان بارلىق تۇرعىن ۇتىس ويىنىنا قاتىسا الادى.
ول ءۇشىن سايتقا تىركەلۋ قاجەت. تولىق اتى-ءجونى, ۇيالى تەلەفون ءنومىرى مەن ۆاكتسينانى العان جەرىن كورسەتكەننەن كەيىن بىرەگەي التى تاڭبالى ءنومىر الادى.
ۇتىس ونلاين رەجيمىندە وتەدى. ونى الەۋمەتتىك جەلىلەردە كورسەتەدى.
اشىقتىقتى قامتاماسىز ەتۋ ءۇشىن كونكۋرستىڭ بارلىق كەزەڭىن باقىلايتىن تاۋەلسىز قوعامدىق كوميسسيا قۇرىلادى. كوميسسياعا قوسىلعىسى كەلەتىندەر +7 776 433 3367 تەلەفونى بويىنشا ءوتىنىش بەرە الادى.
ۇتىس ويىنىنا كوميسسيا مۇشەلەرىنە, سونداي-اق وسكەمەن قالاسى اكىمى اپپاراتىنىڭ قىزمەتكەرلەرى مەن وتباسى مۇشەلەرىنە قاتىسۋعا تىيىم سالىنادى.