كريمينالدىق پوليتسيا قىزمەتكەرلەرى ەلوردالىق دۇكەندەردىڭ ءبىرىن توناعان 30 جاستاعى كۇدىكتىنى ۇستادى, دەپ حابارلايدى Egemen.kz Polisia.kz-كە سىلتەمە جاساپ.
تەرگەۋ بارىسىندا ەر ادام تۇنگى ۋاقىتتا دوستىق كوشەسىندەگى دۇكەننىڭ اشىق تەرەزەسىنە كىرىپ, 250 مىڭ تەڭگەدەن استام اقشا ۇرلاپ كەتكەنى انىقتالدى. ۇستالعان ازامات وسىعان ۇقساس قىلمىسى ءۇشىن بۇرىن سوتتالعان بولىپ شىقتى.
اتالعان فاكتى بويىنشا «ۇرلىق» بابى بويىنشا قىلمىستىق ءىس قوزعالدى. ونىڭ نۇر-سۇلتان قالاسى اۋماعىندا بۇرىن جاسالعان ۇقساس قىلمىستارعا قاتىستىلىعىنا تەكسەرۋ جۇرگىزىلۋدە.