سوڭعى ۇلگىدەگى كامەرالىق قاقپاندار الماتى وبلىسىنداعى ىلە وزەنىنىڭ اڭعارىندا ورنالاسقان التىن-ەمەل ۇلتتىق پاركىنە ورناتىلدى, دەپ جازادى Egemen.kz.
«جاقىندا «التىن-ەمەل» ۇلتتىق ساياباعىندا ەكسپەديتسيا ءوتتى, وعان اق بارىس قورىنىڭ اتقارۋشى ديرەكتورى ارمان قاشقىنبەكوۆ قاتىستى. ساياحات كەزىندە سوڭعى ۇلگىدەگى كامەرالىق قاقپاندار ورناتىلدى. سوندىقتان ءبىز ەكسكليۋزيۆتى ماتەريالدى الامىز دەپ ۇمىتتەنەمىز, ونى جاقىن ارادا ابونەنتتەرىمىزبەن مىندەتتى تۇردە بولىسەمىز», دەدى قوردىڭ ءباسپاسوز قىزمەتى Facebook -تە.
ەستەرىڭىزگە سالا كەتەيىك, بۇعان دەيىن ەرەسەك ءبىر بارس «كولساي كولدەرى» ۇلتتىق پاركىندە ورناتىلعان كامەرالىق قاقپاننىڭ وبەكتيۆىنە تۇسكەن بولاتىن. وسىنداي فوتوقاقپانداردىڭ كومەگىمەن زوولوگيا ينستيتۋتىنىڭ زوولوگتارى مەن ۇلتتىق پاركتىڭ عىلىمي ءبولىمىنىڭ ماماندارى سيرەك كەزدەسەتىن كادرلاردى الۋعا قول جەتكىزگەن بولاتىن.