وتكەن ءۇش كۇننىڭ ىشىندە كارانتين تالابىن بۇزعان 44 مەكەمە جاۋاپقا تارتىلدى, دەپ جازادى Egemen.kz.
22 تامىزدا مونيتورينگتىك توپتار قالانىڭ 5 كاسىپكەرلىك وبەكتىسىندە كارانتين تالاپتارى ساقتالماعانىن انىقتادى.
ەسىل اۋدانىندا بەلگىلەنگەن جۇمىس رەجيمىن «پاناەحالي» بارى مەن «مياتا» لاۋندج-بارى بۇزعان.
سارىارقا اۋدانىنداعى ءتارتىپ بۇزۋشىلار تىزىمىنە «Brio» كاراوكە-بارى مەن «ستامبۋل» كلۋبى كىردى. سونداي-اق كارانتيندىك شارالار بايقوڭىر اۋدانىندا ورنالاسقان «Mafia» كاراوكە-بارىندا ەسكەرىلمەدى.
ايتا كەتۋ كەرەك, سوڭعى ءۇش كۇندە مونيتورينگتىك توپتار قالانىڭ 44 كاسىپكەرلىك وبەكتىسىندە سانيتارلىق نورمالار بۇزىلعانىن انىقتادى.
ءتارتىپ بۇزۋشىلارعا قاتىستى جينالعان بارلىق ماتەريال سانيتارلىق-ەپيدەميولوگيالىق باقىلاۋ سالاسىنداعى ۋاكىلەتتى ورگانعا بەرىلدى.
«نۇر-سۇلتانداعى ەپيدەميولوگيالىق جاعداي تۇراقتى ەمەس. COVID-19 ۆيرۋسىنىڭ ودار ءارى تارالۋىنا جول بەرمەس ءۇشىن قالا قوناقتارى مەن تۇرعىندارىنا, سونداي-اق كاسىپكەرلىك وبەكتىلەرىنە بارلىق سانيتارلىق نورمالار مەن شەكتەۋ شارالارىن قاتاڭ ساقتاۋ ۇسىنىلادى», دەپ جازادى قالا اكىمىنىڭ سايتى.