تاليبان ورتالىق گازني پروۆينتسياسىنداعى راديوستانتسيالاردا مۋزىكا ويناتۋعا جانە ايەلدەردى جۇمىسقا تارتۋعا تىيىم سالدى, دەپ حابارلايدى Egemen.kz Pajhwok.com سايتىنا سىلتەمە جاساپ.
«تاليبان» 12 تامىزدا گازنيگە باقىلاۋ ورناتقاننان كەيىن بىرقاتار وزگەرىستەر ەنگىزدى.
بۇعان دەيىن «تاليبان» سودىرلارى ايەلدەردىڭ قۇقىقتارىن شەكتەمەۋگە ۋادە بەرگەن بولاتىن.
الايدا, كابۋلعا دەيىن باسىپ الىنعان پروۆينتسيالار بۇل ۋادەنى ەلەمەدى. جەرگىلىكتى باق-تىڭ حابارلاۋىنشا, باسىپ الىنعان ايماقتاردا ايەلدەر جۇمىستان تولىعىمەن بوساتىلدى. ايەلدەرگە سىرتقا تەك ەر ادامدارمەن بىرگە شىعۋعا جانە بولمەدەن شىققان كەزدە جابىق كيىم كيۋگە مىندەتتەلىپ, قىزدارعا ءبىلىم الۋ شەكتەۋلى بولدى.
سونىمەن قاتار, پروۆينتسيانىڭ پوليتسيا بولىمشەلەرىنىڭ ءبىرىنىڭ باستىعى موحامماد حاشەم گالدجي «تاليبان» بولىمشەلەرى ايماقتىڭ اكىمشىلىك ورتالىعىنا كىرگەننەن كەيىن بىردەن جوعالىپ كەتتى. گالدجيدىڭ تۋىستارى ءالى كۇنگە دەيىن ول تۋرالى ەشقانداي اقپارات الماعان.