بورودۋليحا اۋدانىندا كولىكتەرى بۇزىلىپ ورماندا قالعان 4 ادام قۇتقارۋشىلاردىڭ كومەگىنە جۇگىنۋگە ءماجبۇر بولعان, دەپ جازادى Egemen.kz شقو توتەنشە جاعدايلار دەپارتامەنتىنىڭ رەسمي سايتىنا سىلتەمە جاساپ.
تجد مالىمەتىنە قاراعاندا, 20 تامىز كۇنى 4 ادام, ونىڭ ىشىندە 1 بالا جەڭىل كولىكپەن نوۆوشۋلبا ورمانشىلىعى اۋماعىندا كەلە جاتقان. كەنەت كولىكتەرى بۇزىلىپ, ولار جولدا قالىپتى. ازاماتتار قۇتقارۋشىلاردىڭ كومەگىنە جۇگىنۋگە ءماجبۇر بولعان.
«وقيعا ورنىنا №21 ءورت ءسوندىرۋ بولىمشەسىنىڭ قىزمەتكەرلەرى دەرەۋ كەلىپ, جولاۋشىلاردى جاڭا ءشۇلبى اۋىلىنا دەيىن جەتكىزىپ تاستاعان. زارداپ شەككەن ەشكىم جوق», دەلىنگەن حابارلامادا.