اقمولا وبلىستىق ەكولوگيا دەپارتامەنتى كوكشەتاۋ قالاسىنىڭ ماڭىندا رۇقسات ەتىلمەگەن قوقىس ورىندارىن جويۋ بويىنشا ءباسپاسوز تۋرىن وتكىزدى, دەپ جازادى Egemen.kz قر ەكولوگيالىق, گەولوگيا جانە تابيعي رەسۋرستار مينيسترلىگىنىڭ رەسمي سايتىنا سىلتەمە جاساپ.
قازىرگى ۋاقىتتا وبلىس اۋماعىندا قاتتى تۇرمىستىق قالدىقتاردىڭ 130 ورنى, ونىڭ ىشىندە قولدانىستاعى زاڭناماعا سايكەس كەلەتىن رۇقسات ەتۋ قۇجاتتارى بار 24 پوليگون ورنالاسقان.
«2021 جىلى جۇرگىزىلگەن جۇمىس ناتيجەسىندە عارىشتان تۇسىرىلگەن سۋرەتتەر ارقىلى اقمولا وبلىسىندا 624 رۇقسات ەتىلمەگەن قوقىس ورىندارى (كوكشەتاۋ ق. - 147, ستەپنوگورسك ق. - 51, زەرەندى اۋدانىندا - 67, تسەلينوگراد اۋدانىندا - 294, ارشالى اۋدانىندا - 13, اقكول اۋدانىندا - 22, شورتاندى اۋدانىندا - 34, ءبىرجان سال اۋدانىندا - 4) انىقتالدى. ونىڭ ىشىندە 364-ءى جويىلدى», دەپ اتاپ ءوتتى مينيسترلىك.