18 تامىز كۇنى پوليتسياعا وبلىس ورتالىعىنىڭ تۇرعىنى جۇگىنگەن. ونىڭ ايتۋىنشا, اپكەسى ەلەنا مازيتوۆا 9 تامىزدان باستاپ ءىز-ءتۇزسىز جوعالىپ كەتكەن, دەپ حابارلايدى Egemen.kz وسكەمەن قالاسى پب ءباسپاسوز قىزمەتىنە سىلتەمە جاساپ.
جۇمىستان كەيىن ۇيگە ورالعان تۇرعىن اپكەسىنىڭ ۇيدە جوق ەكەنىن بىلگەن. سودان بەرى ول وتباسىنا ورالماعان.
سونداي-اق, تۋىسى ەلەنا مازيتوۆا پند-دە ەسەپتە تۇرعانىن جانە ونى اداسىپ كەتۋى دە مۇمكىن ەكەنىن ايتتى.
«ەلەنا مازيتوۆانىڭ بويى 165-170 سانتيمەتر, بەلىنە دەيىن جەتەتىن ۇزىن, قارا شاشتى, قوڭىر كوزدى. جوعالعان كۇنى ۇزىن جەڭدە قارا جەمپىر, اشىق-قوڭىر بەلدىگى بار كوك دجينسى جانە قارا قىسقا ەتىك كيگەن», دەدى وسكەمەن قالاسى پب ءباسپاسوز قىزمەتى.
ەگەر ەلەنانىڭ قايدا ەكەنىن بىلەتىن نەمەسە ونى كورگەن ادام بولسا 8-771-466-54-38 نەمەسە 102 جەدەل ارناسىنا حابارلاي الادى.