وزبەكستان «تاليبان» قوزعالىسىنان قاۋىپسىزدىگى تۋرالى كەلىسىم العاننان كەيىن (قازاقستاندا تەرروريستىك ۇيىم دەپ تانىلىپ, تىيىم سالىنعان) 150 اۋعانستان ازاماتىن ەلگە قايتاردى, دەپ حابارلايدى Egemen.kz Tengrinews.kz-كە سىلتەمە جاساپ.
مينيسترلىك مالىمەتىندە بوسقىندار وزبەك-اۋعان شەكاراسىن زاڭسىز كەسىپ وتكەنى ايتىلادى. Sputnik وزبەكستاننىڭ 18 تامىزداعى مالىمەتىنشە, ەلگە كىرگەن 150 زاڭسىز يمميگرانت, ونىڭ ىشىندە 17 ايەل مەن بالا كۇزەتى بار شاتىرلى قالاشىققا ۋاقىتشا ورنالاستىرىلعان.
«تاليبان» باسشىلىعىنىڭ وكىلدەرىمەن وسى ساناتتاعى ادامدارعا قارسى قانداي دا ءبىر زورلىق-زومبىلىق, قۋدالاۋ شارالارىن بولدىرماۋ تۋرالى قول جەتكىزىلگەن كەلىسىمدەر ناتيجەسىندە 150 اۋعانستان ازاماتى ءوز ەركىمەن تۋعان جەرىنە قايتارىلدى», دەلىنگەن مينيسترلىك سايتىنداعى حابارلامادا.
ۆەدومستۆو اۋعانستانعا ورالعاننان كەيىن وزبەكستانعا قاشقان ازاماتتار كەيبىر قاجەتتى راسىمدەردى جاساعاننان كەيىن, ۇيلەرىنە جىبەرىلگەنىن قوستى. بۇل اقپارات قايتىپ كەلگەن اۋعانداردان الىنعانى ايتىلادى.
«ەلگە كەلگەن اۋعاندار وتباسىمەن تولىق قاۋىپسىزدىكتە», دەلىنگەن حابارلامادا.