سىرتقى ىستەر مينيسترلىگى اۋعانستاننان كەلگەن ستۋدەنتتەر جاعداي تۇراقتانعاننان كەيىن قازاقستاندا وقۋىن جالعاستىرا الاتىنىن حابارلادى, دەپ جازادى Egemen.kz.
«قازاقستاندا وقىپ جاتقان اۋعاندىق ستۋدەنتتەر بويىنشا ءسوز قوزعايتىن بولساق, ولاردىڭ كەيبىرەۋلەرى اۋعانستانعا دەمالىسقا كەتتى. ءبىز ولاردان وقۋىن جالعاستىرعىسى كەلەتىندىگى تۋرالى حابارلاما العان بولاتىنبىز. بۇل ماسەلە باقىلاۋعا الىنادى. اۋعانستانداعى جاعداي تۇراقتانعاننان كەيىن ءبىزدىڭ ەلشىلىك مىندەتتى تۇردە ءتيىستى ۆيزا بەرەدى. اۋە قاتىناسى نەمەسە باسقا كولىك قاتىناسى قايتا باستالعان كەزدە ولار قازاقستاندا وقۋىن جالعاستىرا الادى», دەدى ءسىم رەسمي وكىلى ايبەك سمادياروۆ وكق بريفينگىندە.