ەلوردالىقتارعا مەملەكەتتىك ناگرادا تاعايىندالماق

«سىزدەردىڭ نازارلارىڭىزعا «قۇرمەت گراموتاسى» تۋرالى ەرەجەنى ۇسىنامىن. «قۇرمەت گراموتاسى» ناگراداسى ازاماتتاردى ىنتالاندىرۋ ىسىندە ماڭىزدى. ياعني ادام ەڭبەگىن قوعامدىق تانۋدىڭ كورىنىسى. بۇل قالالىق اكىمدىك تاعايىندايتىن مەملەكەتتىك ناگرادا.

نۇر-سۇلتان قالاسىنىڭ قۇرمەتتى ازاماتى اتتى كوميسسيانىڭ شەڭبەرىندە جۇمىس ىستەيدى. ياعني بەلگىلى ءبىر ازاماتقا «قۇرمەت گراموتاسىن» بەرۋ ماسەلەسى ارنايى كوميسسيادا قارالىپ, قالا اكىمىنىڭ كەلىسىمىنەن سوڭ شەشىم شىعادى»,  دەدى نۇر-سۇلتان قالاسى اكىمدىگى اپپاراتىنىڭ قۇقىق ءبولىمى باسشىسى جاناسىل شاۋكەنتاەۆ قالالىق قوعامدىق كەڭەس وتىرىسىندا.

ءوز كەزەگىندە قالالىق قوعامدىق كەڭەس مۇشەسى مۇحتار ەركەتاەۆ ماراپاتتالۋشىعا گراموتامەن بىرگە توسبەلگى تاعۋ يدەياسىن ۇسىندى.

«قۇرمەت گراموتاسىمەن بىرگە توسبەلگى تابىس ەتۋدى ۇسىنامىن. سەبەبى گراموتا ۇيدە نەمەسە جۇمىس ورنىندا تۇرادى, ال توسبەلگىنى ادام كەز-كەلگەن جەردە تاعىپ جۇرە الادى. سول ارقىلى ول كىسىنى ەلوردانىڭ قۇرمەتتى ازاماتى ەكەنىن كوپشىلىك تاني تۇسەدى», دەيدى ول.