قىتايدا پارلامەنت حالىق سانى جانە جوسپارلى بوسانۋ تۋرالى زاڭعا تۇزەتۋلەر ەنگىزدى. ەندى وتباسىلارعا ءۇش بالاعا دەيىن بوسانۋعا رۇقسات بەرەدى. بۇل تۋرالى «سينحۋا» اقپارات اگەنتتىگى حابارلادى, دەپ جازادى Egemen.kz.
ۆەدومستۆونىڭ حابارلاۋىنشا, قىتاي حالىق رەسپۋبليكاسىنىڭ حالىق سانى جانە جوسپارلى بوسانۋ تۋرالى زاڭىنا ەنگىزىلگەن وزگەرىستەر بۇكىلقىتايلىق حالىق وكىلدەرى جينالىسى تۇراقتى كوميتەتىنىڭ (قۇتك تۇراقتى كوميتەتى) جالعاسىپ جاتقان سەسسياسىندا قابىلداندى.
بۇعان قوسا, زاڭ جوباسى زاڭ بۇزعان ەرلى-زايىپتىلارعا ايىپپۇلدى قوسا العاندا, بۇرىنعى شەكتەۋ شارالارىن الىپ تاستادى.
سونداي-اق بالا كۇتىمىنە بايلانىستى دەمالىستى قاراستىرۋ جانە تۇرعىن ءۇي ماسسيۆتەرىندە, قوعامدىق ورىنداردا جانە جۇمىس ورىندارىندا انالار مەن بالالارعا كوبىرەك بۇرىشتار مەن ارنايى جابدىقتار جاساۋ ماسەلەسى كوتەرىلدى.
حالىق سانى جانە جوسپارلى بوسانۋ تۋرالى زاڭ 2002 جىلى كۇشىنە ەنگەن بولاتىن. ال 2015 جىلى قىتاي ەرلى-زايىپتىلارىنا ەكى بالالى بولۋعا رۇقسات بەرىلدى.