اۋعانستاننىڭ باتىسىندا تالىپتەر (قازاقستاندا جانە باسقا ەلدەردە تىيىم سالىنعان ۇيىم) Deutsche Welle (DW) تەلەراديوكومپانياسىنداعى ءجۋرناليستىڭ جاقىن تۋىسىن ءولتىرىپ, تاعى ءبىر جاقىنىن جارالاعان, دەپ حابارلايدى Egemen.kz.
بۇل تۋرالى DW ءوز سايتىندا حابارلاعان.
تالىپتەر گەرمانيادا بولعان ءجۋرناليستى ىزدەگەن. ناتيجەسىندە ەكى تۋىسىن تاۋىپ, ولاردىڭ بىرەۋى اۋىر جارالاعان.
ءجۋرناليستىڭ قالعان تۋىستارى سوڭعى ساتتە قاشىپ ۇلگەردى جانە قازىرگى ۋاقىتتا سودىرلاردان جاسىرىنىپ ءجۇر. كومپانيانىڭ باس ديرەكتورى پەتەر ليمبۋرگ وسى وقيعاعا بايلانىستى گەرمانيا ۇكىمەتىن «شەشۋشى شارا قولدانۋعا» شاقىردى.
ء«بىزدىڭ قىزمەتكەرلەردىڭ ءبىرىنىڭ تۋىسى تالىپتەر تاراپىنان ءولتىرىلۋى قازىرگى ۋاقىتتا جۋرناليستەر مەن ولاردىڭ وتباسى ءۇشىن اۋعانستاندا بولۋ قانشالىقتى قاۋىپتى ەكەنىن كورسەتەدى», دەدى ليمبۋرگ.
بۇعان دەيىن اۋعانستان جۋرناليستەرىن قورعاۋ كوميتەتى جەرگىلىكتى باق قىزمەتكەرلەرىنىڭ ومىرىنە قاۋىپ ءتونىپ تۇرعانىن ايتقان.