شىمكەنت قالاسىنداعى №89 ءىت مەكتەپ – ليتسەيىندە تسيترۋستىق بانان گۇلدەپ, جەمىس بەرىپ تۇر. بۇل تۋرالى قالا اكىمدىگىنىڭ ءباسپاسوز قىزمەتى حابارلادى, دەپ جازادى Egemen.kz.
ءبىلىم ورداسىندا 2019 جىلى ءۇش پيراميدالى «FLORA&FAUNA» جاراتىلىستانۋ پاندەرى لابوراتورياسى اشىلىپ, قىركۇيەك ايىندا بالالار 2 دانا بانان وسىمدىگىن وتىرعىزعان بولاتىن.
وقۋشىلار مەن جاراتىلىستانۋ باعىتىنداعى مۇعالىمدەردىڭ بانان وسىمدىگىن بەيىمدەۋ جانە ءوسىرىپ-باپتاۋ بويىنشا جۇرگىزگەن عىلىمي جوبالارى بۇگىندە جەمىسىن بەردى.
بۇدان بولەك, عىلىمي جۇمىس بارىسىندا 10 ءتۇرلى تسيترۋستىق وسىمدىك ەگىلگەن. قازىر ليموننان 60 ءتۇپ كوشەت سالىپ تۇر. 7 ءتۇپ بانان, 8 ءتۇپ ماندارين, 9 ءتۇپ انار, 4 ءتۇپ كيۆي, 4 ءتۇپ اناناس, 15 ءتۇپ قۇرما, 80 ءتۇپ بادام وتىرعىزعان.