«الاتاۋ جارىق كومپانياسىنا» ايىپپۇل سالىندى

كوميتەتكە قاراستى الماتى قالاسى بويىنشا دەپارتامەنتىنىڭ مالىمەتىنشە, «Gorsvetgroup» جشس-نىڭ ءوتىنىشى بويىنشا «الاتاۋ جارىق كومپانياسى» اق-نا قاتىستى جوسپاردان تىس تەكسەرۋ جۇرگىزىلگەن.

تەكسەرىس ناتيجەسى بويىنشا «تابيعي مونوپوليالار تۋرالى» زاڭنىڭ 26-بابى 2-تارماعى 8 تارماقشاسى بۇزىلعانى انىقتالدى.

اتاپ ايتقاندا, «الاتاۋ جارىق كومپانياسى» ۇلگىلىك شارتتارعا سايكەس رەتتەلىپ كورسەتىلەتىن قىزمەتتەردىڭ ءاربىر ءتۇرى ءۇشىن تۇتىنۋشىلارمەن جەكە شارتتار جاساسپاعان.

وسىعان بايلانىستى, تمربد-نىڭ قاۋلىسىمەن «الاتاۋ جارىق كومپانياسى» اق-نا «اكىمشىلىك قۇقىق بۇزۋشىلىق تۋرالى» كودەكستىڭ 164-بابى 4-بولىگى بويىنشا اكىمشىلىك جاۋاپكەرشىلىككە تارتىپ, 4 ملن 667 مىڭ 200 تەڭگەگە ايىپپۇل سالدى.

ايتا كەتەرلىگى, دەپارتامەنت قاۋلىسىنا قاتىستى الماتى قالاسىنىڭ اكىمشىلىك قۇقىق بۇزۋشىلىقتار بويىنشا مامانداندىرىلعان اۋدانارالىق سوتىنا شاعىم تۇسكەن, الايدا دەپارتامەنت قاۋلىسى كۇشىندە قالدى.