جامبىل وبلىسىندا جالعان قۇجات جاساعان ۆەتەرينارلار جاۋاپقا تارتىلدى, دەپ حابارلايدى Egemen.kz.
ولار سوڭعى ەكى جىل بويى ەكپە جۇمىستارىن تەك قاعاز جۇزىندە جۇرگىزىپ كەلگەن.
ال انىعىندا ءتورت ت ۇلىكتىڭ باسىم كوپشىلىگى ۆاكتسينا الماپتى. ۆەتەرينارلار وڭىردەگى مال سانىن ارنايى بازادان الىپ, سول ارقىلى قانشاما دوزا ۆاكتسينانى جويىپ وتىرعان. كەيىن بەلگىلى بولعانداي, كەيبىر شارۋاشىلىق يەلەرى ول مالدى الدەقاشان ساتىپ جىبەرگەن ەكەن, ال بازادان الۋعا ۇلگەرمەگەن. ماسەلەن, مويىنقۇم اۋدانىنىڭ ۆەتەرينار دارىگەرى 350 باس مالعا ەكپە سالامىن دەپ 2 مىڭ دوزا ۆاكتسينانى ەسەپتەن شىعارعان. ەندى زاڭ الدىندا جاۋاپ بەرەدى. سونىمەن قاتار سىبايلاس جەمقورلىققا قارسى قىزمەت وكىلدەرى كەيبىر مال دارىگەرلەرىنىڭ ديپلومسىز جۇمىس ىستەپ كەلگەنىن دە انىقتادى. «جەتىتوبە سەلولىق وكرۋگىندەگى ۆەتەرينارلىق پۋنكتكە جوعارى ءبىلىمى جوق ادامدى باسشى ەتىپ تاعايىنداعان. سونداي-اق بۇل سالادا ەشقانداي تاجىريبەسى جوق ماماندى جەتەكشى جۇمىستارعا بەكىتكەنى بەلگىلى بولدى. قازىر بۇل ازاماتتار اتقارىپ وتىرعان قىزمەتتەرىنەن بوساتىلىپ, ۆەتەرينارلىق ستانتسيا باسشىسى اكىمشىلىك جاۋاپقا تارتىلدى», دەپ مالىمدەدى وبلىستىق سىبايلاس جەمقورلىققا قارسى ءىس قيمىل دەپارتامەنتتىڭ باس مامانى قايرات اقمۇرزاەۆ.