گايتيدە 14 تامىزدا بولعان جەر سىلكىنىسىنەن زارداپ شەككەندەردىڭ سانى 2189-عا جەتتى, 12 مىڭنان استام ادام جاراقات الدى. بۇل تۋرالى سارسەنبىدە رەسپۋبليكانىڭ ازاماتتىق قورعاۋ دەپارتامەنتى مالىمدەدى, دەپ حابارلايدى Egemen.kz تاسس-قا سىلتەمە جاساپ.
ۆەدومستۆونىڭ مالىمەتىنشە, وڭتۇستىك دەپارتامەنتتە - 1832 ادام, گراند انس بولىمىندە - 218, نيپپ بولىمىندە 137 جانە سولتۇستىك-باتىس بولىمىندە ەكى ادام قايتىس بولدى. سونداي-اق 12 268 جارالى تىركەلدى.
وڭىردەگى 100 مىڭنان استام عيمارات تولىعىمەن نەمەسە ءىشىنارا قيرادى, قازىرگى ۋاقىتتا قۇتقارۋشىلار ءۇيىندى استىنان ادامداردى ىزدەپ جاتىر.
ەستەرىڭىزگە سالا كەتەيىك, 14 تامىز كۇنى تاڭەرتەڭ گايتي ايماعىندا ماگنيتۋداسى 7,2 بولاتىن جەر سىلكىنىسى بولدى. جەر سىلكىنىسىنىڭ وشاعى شامامەن 125 مىڭ ادام تۇراتىن لە-كە كوممۋناسىنان 40 كم قاشىقتىقتا ورنالاسقان. وڭتۇستىك, گراند انس جانە نيپپ دەپارتامەنتتەرى قاتتى زارداپ شەكتى.
ۇكىمەت ءبىر ايعا توتەنشە جاعداي ەنگىزدى.
دۇيسەنبىگە قاراعان ءتۇنى گايتيدەگى جويقىن جەر سىلكىنىسىنەن كەيىن گرەيس تروپيكالىق داۋىلى سوقتى. بۇل زارداپ شەككەندەرگە كومەك كورسەتۋدى جانە ءتىرى قالعانداردى ىزدەۋدى ودان ءارى قيىنداتتى.