تۇركىستان وبلىسىنىڭ تۇرعىنىنان كاننابيستىڭ ەكى بۇتاسى تاركىلەندى, دەپ حابارلايدى Egemen.kz Polisia.kz-كە سىلتەمە جاساپ.
بىرلەسكەن جەدەل-ىزدەستىرۋ ءىس-شارالارىنىڭ ناتيجەسىندە تۇركىستان وبلىسى پد ەسىرتكى قىلمىسىنا قارسى ءىس-قيمىل باسقارماسى مەن ماقتارال اپب قىزمەتكەرلەرى قۇرامىندا ەسىرتكى بار وسىمدىكتەردى زاڭسىز وسىرۋمەن اينالىسقان كۇدىكتىنى انىقتادى.
ءتىنتۋ بارىسىندا پوليتسيا كۇدىكتىنىڭ اۋلاسىنان قاراسورا ءتارىزدى وسىمدىكتىڭ ەكى بۇتاسىن تاپتى. الىنعان زاتتاي دالەلدەمەلەر ساراپتاماعا جىبەرىلدى.
ساراپتاما قورىتىندىلارىنا سايكەس, بۇل جالپى سالماعى 25 گرامنان اساتىن قاراسورا ەكەنى انىقتالدى. ەر ادامنىڭ ايتۋىنشا, ول دالادان ەسىرتكى تاۋىپ الىپ, ءونى وز ۋچاسكەسىندەگى جۇگەرى اراسىنا ەككەن.
اتالعان دەرەك قر قك-ءنىڭ 300-بابى «قۇرامىندا ەسىرتكى زاتتارى بار, وسىرۋگە تىيىم سالىنعان وسىمدىكتەردى زاڭسىز ءوسىرۋ» بويىنشا سدتبت-دە تىركەلدى. سوتقا دەيىنگى تەرگەۋ امالدارى جۇرگىزىلۋدە.