گرەتسيانىڭ وڭتۇستىك-شىعىسى مەن باتىسىندا جاڭا ورمان ورتتەرى باستالدى, دەپ حابارلايدى Egemen.kz Reuters-كە سىلتەمە جاساپ.
افينادان وڭتۇستىككە قاراي 60 شاقىرىم جەردە ورنالاسقان لاۆريو پورتىنىڭ جانىنداعى تاۋدا جالىن جالىنداپ, جاعاجايدىڭ ۇستىندە قالىڭ ءتۇتىن پايدا بولدى.
ءورتتىڭ ءبىرى 16 تامىزدا اتتيكانىڭ شىعىسىنداعى كەراتەيا قالاسىندا شىقتى. ءورت بۇتانى تەز جويىپ, سۋنيون ايماعىنداعى ۇلتتىق ساياباققا تارالدى. ءورتتىڭ تارالۋ قاۋپىنە بايلانىستى جەرگىلىكتى حالىق ەۆاكۋاتسيالاندى.
ءورت ايماعىندا مۇگەدەكتىگى بار قارت ايەل جوعالىپ كەتكەنى ايتىلدى. ءتىلسىز جاۋ كەم دەگەندە ون ءۇيدى زاقىمداعان.
جەرگىلىكتى بيلىك جالىن شىعۋ وشاعىنا 90 ءورت ءسوندىرۋشىنى, التى سۋ توگەتىن ۇشاقتى جانە ءتورت تىكۇشاقتى جىبەردى.
ەل استاناسىنىڭ سولتۇستىگىندەگى ۆيليا اۋىلىنىڭ جانىنداعى ورمان القابىندا, بالالار جازعى لاگەرىنە جاقىن جەردە بولەك جالىن پايدا بولدى. وعان بەس تىكۇشاق پەن بەس ءورت ۇشاعى جىبەرىلدى.
تۇستەن كەيىن افينانىڭ ەكىنشى جاعىندا, سولتۇستىك-باتىستا تاعى ءبىر ءورت شىقتى. قاتتى جەل مەن اپتاپ ىستىق سالدارىنان قۇتقارۋشىلار ءورتتى اۋىزدىقتاي الار ەمەس.
قازىرگى تاڭدا تەرگەۋشىلەر ءورتتىڭ شىعۋ سەبەبىن انىقتاۋدا.
ەسكە سالا كەتسەك, سوڭعى اپتالاردا گرەتسيادا 500-دەن استام ورمان ءورتى تىركەلدى. جەرورتا تەڭىزى ايماعىنىڭ ەلدەرى, سونىڭ ىشىندە گرەتسيا مەن تۇركيا سوڭعى ونجىلدىقتارداعى ەڭ جوعارى تەمپەراتۋرانى باستان كەشۋدە.