2021 جىلدىڭ 1 قازانىنا دەيىن قازاقستاندىقتار م ۇلىك پەن جەر سالىعىن تولەۋى ءتيىس, دەپ جازادى Egemen.kz قر مەملەكەتتىك كىرىستەر كوميتەتىنىڭ facebook-تاعى مالىمەتىنە سىلتەمە جاساپ.
وسى ورايدا كوميتەت ماماندارى سالىق زاڭناماسىنا وزگەرىس ەنگىزىلگەنىن ەسكە سالدى. وعان سايكەس, 2020 جىلى 1 قاڭتاردان باستاپ جەكە تۇلعالاردىڭ مەنشىك قۇقىعىنا تيەسىلى جەر ۋچاسكەلەرى جانە جىلجىمايتىن م ۇلىك بويىنشا سالىقتار بىرىڭعاي م ۇلىك سالىعى بولىپ بىرىكتىرىلدى. سول سەبەپتى سالىقتىڭ ەسەپتەلگەن سوماسى جىلجىمايتىن م ۇلىك پەن جەر ۋچاسكەسى بويىنشا مىندەتتەمەلەردى قامتيدى جانە بىرىڭعاي سومامەن تولەنەدى.
«2020 جىلعا م ۇلىك سالىعىن تولەۋ مەرزىمى 2021 جىلعى 1 قازاندا اياقتالادى», دەيدى ماماندار.
سالىق سوماسىن قايدان كورۋگە بولادى
م ۇلىك سالىعىنىڭ سوماسىن تولەۋ مەرزىمى باستالعانعا دەيىن «E-salyq Azamat» ءموبيلدى قوسىمشاسىندا, سونداي-اق Kaspi.kz جانە Homebank بانكتەرىنىڭ ءموبيلدى قوسىمشالارىندا kgd.gov.kz «الداعى تولەمدەر» سەرۆيسىنەن بىلۋگە بولادى. سول جەردە بىردەن تولەم جاساۋعا دا مۇمكىندىك بار.