سەناتورلار نۇرلان بەكنازاروۆ پەن ايگۇل قاپباروۆا شىمكەنت قالاسىنا ساپارى بارىسىندا ءماسليحات دەپۋتاتتارىمەن جانە قوعامدىق كەڭەس مۇشەلەرىمەن كەزدەستى, دەپ حابارلادى سەناتتىڭ ءباسپاسوز قىزمەتى.
كەزدەسۋدە مەگاپوليستىڭ الەۋمەتتىك-ەكونوميكالىق دامۋىنا, دەنساۋلىق ساقتاۋ سالاسىنا جانە تۇرعىن ءۇي قۇرىلىسىنا قاتىستى ماسەلەلەر كوتەرىلدى. سەنات دەپۋتاتتارى اتالعان ماسەلەلەردىڭ وزەكتىلىگىنە نازار اۋدارىپ, مۇقيات زەردەلەگەننەن كەيىن ولاردى زاڭنامالىق دەڭگەيدە شەشۋگە ىقپال ەتەتىندەرىن جەتكىزدى.
سونىمەن قاتار سەناتورلار «نۇرلى جول» مەملەكەتتىك باعدارلاماسى اياسىندا قۇرىلعان كولىك-لوگيستيكالىق كومپانياسىنىڭ جۇمىسىمەن تانىستى. بۇل جوبا شىمكەنتتە جالپى تەمپەراتۋراسى مەن رەجىمدى باقىلاۋ مۇمكىندىگى بار زاماناۋي قويمالار سالۋعا جول اشتى. بۇدان باسقا, كاسىپورىن اۋماعىندا كەدەندىك رەسىمدەۋ, فيتوسانيتارلىق جانە ۆەتەرينارلىق باقىلاۋ ايماعى ورنالاسقان.
سەنات دەپۋتاتتارى مۇنداي جوبالاردى ىسكە اسىرۋدىڭ ماڭىزى زور ەكەنىن ايتىپ, ونىڭ ءوڭىر ەكونوميكاسىنا جانە تاسىمالداۋ الەۋەتىن ارتتىرۋعا ايتارلىقتاي ۇلەس قوساتىنىن, سونداي-اق جاڭا جۇمىس ورىندارىن اشۋعا ۇلكەن مۇمكىندىك ەكەنىن تىلگە تيەك ەتتى.