وتكەن تاۋلىكتە ەلوردانىڭ مونيتورينگتىك توپتارى 10 كاسىپكەرلىك نىساندا كارانتين تالاپتارى ساقتالماعانىن انىقتادى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
ەسىل اۋدانىندا كارانتين رەجيمىن 4 مەكەمە ساقتاماعان. ولاردىڭ اراسىندا «Pinecone», «تەكيلا» لاۋندج-بارلارى, «Loto club» لوتەرەيا كلۋبى, «Opus One» مەيرامحاناسى بار.
سارىارقا اۋدانىنداعى «ارنا», «El plaza», «استاۋ» مەيرامحانالارىندا, «Pirat bar» جانە «Skysmoke» كافە-بارىندا دا كارانتيندىك شەكتەۋلەر ساقتالماعان. سونداي-اق, ءتارتىپ بۇزۋشىلار تىزىمىنە الماتى اۋدانىندا ورنالاسقان «توميريس» كافەسى دە ەندى.
ايتا كەتۋ كەرەك, وتكەن ءۇش كۇندە نۇر-سۇلتان قالاسىندا 37 مەكەمە شەكتەۋ شارالارىن ساقتاماعانى انىقتالدى.
ءتارتىپ بۇزۋشىلارعا قاتىستى ماتەريالدار ءتيىستى شارالار قابىلداۋ ءۇشىن سانيتاريالىق-ەپيدەميولوگيالىق باقىلاۋ سالاسىنداعى ۋاكىلەتتى ورگانعا تاپسىرىلدى.