الەۋمەتتىك جەلىلەر مەن بۇقارالىق اقپارات قۇرالدارىندا ۇشىپ بارا جاتقان ۇشاقتان قۇلاعان ادامداردىڭ ۆيدەوسى تاراپ جاتىر. كەيبىر مالىمەتتەر بويىنشا, ۆيدەو كابۋلدا تۇسىرىلگەن, دەپ حابارلايدى Egemen.kz.
ۆيدەودان ۇشاقتان ادامدار قالاي قۇلاپ جاتقانىن كورۋگە بولادى. جەرگىلىكتى باق بۇل كابۋلدان كەتكىسى كەلگەن ادامدار بولۋى مۇمكىن دەپ بولجايدى.
«ۆيدەو الەۋمەتتىك جەلىلەردە تارالا باستادى. وندا ەكى ادام ۇشاقتا جاسىرىنىپ, ۇشىپ شىققاننان كەيىن بىرنەشە مينۋتتان سوڭ جەرگە قۇلاعانى تۇسىرىلگەن», دەپ جازادى جەرگىلىكتى Shamshad News تەلەارناسى ۆيدەو جاريالاپ.
بۇعان دەيىن قاۋىپسىزدىك كۇشتەرىندەگى دەرەككوز ريا نوۆوستيگە اقش اسكەري كۇشتەرى كابۋل اۋەجايىندا اۋعاندىقتارعا وق جاۋدىرعاننان كەيىن بىرنەشە ادام قايتىس بولعانىن جەتكىزگەن. ءوز كەزەگىندە فرانس پرەسس اگەنتتىگى كۋاگەرگە سىلتەمە جاساي وتىرىپ, اقش اسكەري كۇشتەرى اۋعانستان استاناسىنىڭ اۋەجايىندا كوپ ادام ۇشۋ-قونۋ جولاعىنا شىققان كەزدە ەسكەرتۋ ءۇشىن وق جاۋدىرعانىن حابارلادى.ايتا كەتەيىك, 15 تامىزدا «تاليبان» قوزعالىسىنىڭ (قازاقستاندا تىيىم سالىنعان) سودىرلارى اۋعانستان استاناسى كابۋلعا كىرىپ, پرەزيدەنت سارايىن باسىپ العانى حابارلانعان بولاتىن. ولار ءىس جۇزىندە اۋعانستان يسلام امىرلىگىنىڭ قۇرىلعانىن جاريالاپ, ەلدەگى بيلىكتى قولىنا الدى. كەيىنىرەك تاليبان وكىلى ەلدەگى سوعىس اياقتالعانىن جاريالادى.