وسكەمەن قالاسىندا BMX كروسس ۆەلوسپورتىنا ارنالعان كاسىبي ترەك سالىنىپ جاتىر, دەپ حابارلايدى Egemen.kz قازاقپاراتقا سىلتەمە جاساپ.
شىعىس قازاقستان وبلىسىنىڭ اكىمى دانيال احمەتوۆ وسكەمەندەگى «سامال» ساياباعىندا سالىنىپ جاتقان ۆەلوترەكتىڭ قۇرىلىس جۇمىستارىنىڭ قارقىنىن قاداعالادى.
«BMX – تەك جاستار قىزىعاتىن سپورت ءتۇرى عانا ەمەس, كوپتەگەن ۆەلوسپورت اۋەسقويلارى ءۇشىن ءومىر ءسۇرۋ ءستيلى. وبلىس ورتالىعىندا سالىنىپ جاتقان ترەك حالىقارالىق ستاندارتتارعا ساي بولماق. ترەكتىڭ جابىنى توكيو وليمپياداسىنداعى سياقتى بولادى. ۆەلوكروسس اۋەسقويلارى ءۇشىن دە, كاسىبي سپورتشىلار ءۇشىن دە جولدار سالىنادى. الداعى ۋاقىتتا بۇل جەردە الەمدىك دەڭگەيدەگى جارىستاردى وتكىزەتىنىمىزگە سەنىمدىمىن», دەدى ايماق باسشىسى.
سونىمەن قاتار ول قۇرىلىسشىلارعا ماسكەۋدەن كەلگەن حالىقارالىق ۆەلوسپورت فەدەراتسياسىنىڭ وكىلدەرى كەڭەس بەرەتىنىن, سوندىقتان قۇرىلىستى جوبالاعاندا تالاپتار تۇگەل ەسكەرىلىپ, بارلىق ءتيىستى تالاپتار ساقتالاتىنىن اتاپ ءوتتى.
ايتا كەتەيىك, BMX – ۆەلوسيپەد سپورتىنىڭ كەڭ تارالعان ءتۇرى جانە ول 2008 جىلدان بەرى وليمپيادالىق ويىن تۇرلەرىنىڭ قاتارىندا.