اۋعانستاندا ديپلوماتتاردان باسقا قازاقستان ازاماتتارى جوق. بۇل تۋرالى سىرتقى ىستەر مينيسترلىگى ءمالىم ەتتى, دەپ حابارلايدى Egemen.kz.
دەپارتامەنت مالىمەتىنشە, اۋعانستاندا قازاقستان ازاماتتارى جوق, ءبارى قازىردىڭ وزىندە ەلدەن كەتكەن.
بۇل رەتتە قازاقستان ەلشىلىگى كابۋلدا جۇمىسىن جالعاستىرىپ جاتىر. ەلشى مەن قىزمەتكەرلەر ەلدە قالادى.ايتا كەتەيىك, «تاليبان» سودىرلارى اۋعانستان استاناسى كابۋلعا كىرىپ, پرەزيدەنت سارايىن باسىپ الدى. ولار ءىس جۇزىندە اۋعانستان يسلام امىرلىگىنىڭ قۇرىلعانىن جاريالاپ, ەلدەگى بيلىكتى قولىنا الدى. اۋعانستان پرەزيدەنتى اشراف عاني ەلدەن كەتتى.
تاليبان قوزعالىسىنا جوعارعى سوتتىڭ 2005 جىلعى 15 ناۋرىزداعى شەشىمىنە سايكەس قازاقستاندا تىيىم سالىنعان.