ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ (قارجى پوليتسياسى) توراعاسى راشيد تۇسىپبەكوۆتىڭ جەتەكشىلىگىمەن قاۋىپتى سالالار مەن وبەكتىلەردى ناقتىلاپ الۋعا مۇمكىندىك بەرەتىن احۋالدىق ورتالىقتىڭ جۇمىسىن جەتىلدىرۋ تۋرالى جيىن وتكىزىلدى. بۇل تۋرالى اتالمىش اگەنتتىكتىڭ رەسمي سايتى حابارلادى.
ر. تۇسىپبەكوۆ ءسوز ورايىندا وتكەن جىلى احۋالدىق ورتالىق مالىمەتتەرى نەگىزىندە 500 قىلمىستىق ءىس قوزعالىپ, 3,5 ملرد. تەڭگەگە جۋىق بيۋدجەت قاراجاتىن ءتيىمسىز پايدالانۋدىڭ جولى كەسىلگەنىن اتاپ ءوتتى. سونداي-اق سىبايلاس جەمقورلىقتىڭ الدىن الۋ شاراسى رەتىندە مەملەكەتتىك ورگاندارعا جانە تارتىپتىك كەڭەستەرگە 470 ۇسىنىس جىبەرىلىپتى. ۇسىنىستاردى قاراۋ ناتيجەسىندە سىبايلاس جەمقورلىق ارەكەتتەر جاساعانى ءۇشىن 349 لاۋازىمدى تۇلعالار تارتىپتىك جاۋاپكەرشىلىككە تارتىلىپ, ونىڭ 147-ءسى جۇمىستان شىعارىلعان.
ءامىرحان الماعانبەتوۆ.
دەرەككوز: ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگى (قارجى پوليتسياسى)
فوتو: Finpol. Gov.kz.